Þverártindsegg

Númer: D-7
Dagsetning: 8.5.2010
Brottfararstaður: Ekið á einkabílum frá Reykjavík
Viðburður: Þverártindsegg
Erfiðleikastig:
Lýsing: 8. maí, laugardagur. Hámarksfjöldi: 12

Umsjón: Jökull Bergmann / Þórhallur Ólafsson

Ekið á einkabílum frá Reykjavík í Skaftafell á föstudegi og gist þar á eigin vegum.

Lagt af stað snemma morguns í gönguna á Þverártindsegg.

Búnaður: Öryggisbelti, broddar, ísexi, hlífðarfatnaður.

Undirbúningsfundur í sal FÍ þann 3. maí kl. 18.

Verð kr. 14.000/ 17.000
Innifalið: Fararstjórn:

Búnaður fæst leigður hjá FÍ á kr. 5.000, belti, broddar og exi.

Eitt af glæsilegustu fjöllum landsins

Þverártindsegg er af kunnugum talin eitt af glæsilegustu fjöllum landsins. Þangað hafa þó fáir komið þótt fjallið sé í raun nálægt alfaraleið þar sem það rís vestan við Kálfafellsdal í Suðursveit. Þverártindsegg er 1554 metra hátt og liggur jökull að því að hluta. Ekki er auðvelt að ganga á fjallið nema í fylgd kunnugra og vanra fjallamanna og því hefur verið fáfarið þar fram til þessa.

Þátttakendur koma á eigin vegum í Skaftafell á föstudegi og leggja síðan af stað eldsnemma í gönguna á Þverártindsegg. Gengið er úr Kálfafellsdal um brattar hlíðar og jökulfannir áleiðis á tindinn. Þetta er talsvert krefjandi ganga sem hentar vel þeim sem eru í góðu formi og vilja spreyta sig á nýjum verkefnum.

Af Þverártindsegg sér yfir hinn fagra Kálfafellsdal með jökulfossum og hamrastálum allt um kring. Einnig sér yfir Breiðamerkurjökul og Öræfajökul og Esjufjöll sem rísa upp úr jöklinum í norðri. Svöludalur og Veðurárdalur leynast inni í fjallabálkinum vestan Þverártindseggjar og innar á fjallaröðlinum rísa Snæfell syðra ásamt Karli og Kerlingu. Þetta er afar sérstætt landslag og má segja að það eigi sér ekki margar hliðstæður hér á landi.

Þetta er afar spennandi ferð og í  raun einstætt tækifæri því ekki er fært á fjallið nema í fylgd kunnugra og rétt að láta ekki happ úr hendi sleppa.

 

til baka

---

---