Söguganga: Vakað með Vatnsdælu: Prúðmenni og skaphundar,

NORÐURLAND

Söguganga: Vakað með Vatnsdælu: Prúðmenni og skaphundar,

útburðir og Ættartangi 

21.-24. maí, hvítasunna, 4 dagar

Fararstjóri: Sigrún Valbergsdóttir. Leiðsögumaður: Magnús Jónsson.

Hámarksfjöldi: 24

Aðsetur sögugöngunnar í ár verður að Hofi í Vatnsdal. Landnámsjörð Ingimundar gamla. Þar er aðstaða fyrir sameiginlegan mat og samverustundir í félagsskap Vatnsdælu. Þar verður gist í 3 nætur. Svefnpokagisting í rúmum.

1. dagur, föstudagur: Fólk kemur sér á eigin bílum að Hofi í Vatnsdal. Kl.14 verður sameinast í bíla og ekið að upphafsstað göngu fyrsta dags. Ekið verður að Ási og síðan Snæringsstöðum gegnt Hofi og gengið á Fell, þaðan sem má glöggva sig á sögusviðinu.

2. dagur: Ekið fram að Þvergili. Þaðan er gengið meðfram gljúfrum að Grímstunguseli, síðan þvert yfir Hestás að Glámsþúfu í Forsæludal með léttu hliðarspori í Grettissögu. Þar er gengið meðfram hrikalegu Vatnsdalsárgili að Þórhallastöðum (ca. 12 km).

3. dagur: Ekið að bænum Hjallalandi. Þar er gengið upp hjallana og upp á Sjónarhól (870 m) og síðan suður Vatnsdalsfjall og komið niður að Eyjólfsstöðum.

4. dagur: Gengið um Þórdísarlund, Vatnsdalshóla og Þrístapa áður en haldið er heim á leið.

Verð: 26.000 / 31.000

Innifalið: Gisting, leiðsögn. Sameiginlegur matur er ekki innifalinn í verði.