Emstrur

Gistiskálar F.Í. á Emstrum standa nálægt Syðri - Emstruá. Skálarnir eru 3 og rúma samtals 60 manns (3x20manns) í svefnpokaplássi í kojum. Í skálunum eru gashellur til eldunar, rennandi vatn, pottar, leirtau og hnífapör. Skálavörður er á sumrin og hefur sérstakt hús fyrir sig. Vatnssalerni og sturtur eru í sérstöku húsi og þarf að greiða sérstaklega fyrir sturtur. Frá skálum er t.d. skemmtileg gönguleið að Markarfljótsgljúfrum og sjálfsagt að láta það ekki fram hjá sér fara. Jeppafært er að skálum F.Í. á Emstrum.

---

---