Hlöðuvellir

Sæluhúsið var reist árið 1970. Skálinn stendur í hrauninu sunnan undir Hlöðufelli. Húsið skiptist í stórt anddyri og svefnsal með eldunaraðstöðu. Það tekur 15 manns í kojur. Í húsinu er gaseldun en ekki er þar rennandi vatn. Vatn má sækja í holu sem boruð var skammt frá húsinu

Frá skálanum má fara í lengri og skemmri gönguferðir, s.s. á Hlöðufell, Eldborgir á Lambahrauni, Kálfstind, Högnhöfða, Skriðu og Skjaldbreið. Einnig er skemmtileg gönguleið um Rótasand að Brúarárskörðum.

---

---