Skálar - Upplýsingasíða

Staðsetning skála og nýting
Skálar Ferðafélags Íslands og deildanna úti um land eru þægilegir áningarstaðir á ferðalagi um óbyggðir Íslands. Þeir eru á 38 stöðum víðsvegar um land og allur almenningur getur nýtt þau óháð aðild að Ferðafélaginu. Hér má finna frekari upplýsingar um staðsetningu skála

Að panta gistingu
Athugið að mikið er bókað í skálum félagsins og því ekki er hægt að ganga að gistingu vísri. Til að bóka gistingu í skálum FÍ þarf að ganga frá gistipöntun á skrifstofu FÍ í síma 568-2533.

Svo gistibókun í skálum Ferðafélagsins teljist gild þarf viðkomandi að gefa upp krítarkortanúmer þegar bókað er.

Reglur um afbókanir

• Ef afbókað er meira en 14 dögum fyrir gistidagsetningu nemur endurgreiðsla 80% af gistigjaldi.
  
  
• Ef afbókað er meira en 7 dögum fyrir gistidagsetningu nemur endurgreiðsla 50 % af gistigjaldi. 
  
  
• Ekki er endurgreitt ef afbókað innan viku fyrir bókaða gistidagsetningu.
  

Umgengnisreglur í skálum Ferðafélags Íslands

Hér er að finna megin umgengnisreglur í skálum félagsins. Megin reglan er sú að aðkoma sé þægileg og að skálarnir geti verið notarlegar vistarverur fyrir ferðafólk á fjöllum. Hreinlæti skiptir því miklu og tillitsemi við náungann er lykilatriði.

• Ef að gæsla er í skála skal haft samband við skálavörð sem raðar í skála  og fer yfir reglur
  
  
• Ró skal vera komin í skála á miðnætti 
  
  
• Farið er úr skóm í andyri
  
  
•  Taka með sér rusl
  
  
• Reykingar bannaðar í skálum
  
  
• Ganga frá áhöldum í eldhúsi
  
  
• Bæta í  vatnspott á eldavél
  
  
• Ganga frá skálunum eins og menn vilja koma að þeim sjálfir
  
  
•  Greiða gistingu