Þórsmörk

Skagfjörðsskáli stendur í mynni Langadals á Þórsmörk, á sléttri grund austan lækjarins, skammt frá Krossá. Frammi fyrir húsdyrum stendur Valahnúkur en þangað ganga þeir sem vilja sjá næsta nágrenni. Meðal áhugaverðra staða í nágrenni má nefna Stórenda, Stangarháls, Hamraskóga, Húsadal, Tindfjallajökul og Eyjafjallajökul. Gönguleiðir eru fjölbreyttar og fagrar og möguleikar miklir og m.a. ljúka flestir göngu um Laugaveginn í Langadal.

Skálinn er á tveimur hæðum, á neðri hæð eru tvö lítil eldhús, stór matsalur og tvær svefnstofur auk rúmgóðrar forstofu. Á efri hæð eru svefnrými með kojum. Alls rúmast 75 manns í kojum. Auk gistiskála er gott hreinlætishús með vatnssalernum og sturtum, viðdvalarhús fyrir dagsgesti, lítill svefnskáli (fyrir 2 - 4) og verslunarhús. Skálinn er kyntur með olíuvélum, sem einnig eru notaðar til eldamennsku. Þar eru pottar, pönnur og leirtau og skálaverðir á sumrin. Sími frá 15. maí til 30. september er  893 1191.

Sjá myndir úr Langadal og Þórsmörk

Sjá myndir af skálum FÍ á Laugaveginum

---

---