Þverbrekknamúli

Skáli F.Í. í Þverbrekknamúla stendur í 550 m y.s., gps. 64 43.100 19 36.860 SA undir Hrútfelli, nálægt Fúlukvísl. Hann er á miðri gönguleiðinni um Kjalveg hinn forna. Skálinn var byggður 1980 og stækkaður og endurbyggður 1996. Skálinn rúmar 20 manns í kojum. Húsið er á einni hæð, kynt með gasi og olíuvél. Þar er gaseldavél, eldhúsáhöld og borðbúnaður. Rétt við skálann er salernishús sem byggt var 2002. Gott tjaldstæði er skammt frá húsinu. Í skálanum er neyðartalstöð. Sorphirða er ekki á staðnum. Kamar skammt frá skála fyrir vetrarumferð.

Fyrsta brúin á Fúlukvísl var byggð 1981, sú brotnaði undir snjó á fyrsta vetri. Aftur var byggð brú 1985, 10 árum síðar sligaðist hún undan snjóþyngslum, en var endurbyggð sama ár. Í miklu vetrarflóði árið 2004 hvarf sú brú í heilu lagi. Sumarið 2005 var enn byggð ný brú. Hún er 18 metra löng og stendur 10 m yfir vatnsborði. Hún mun vonandi þola átökin við á ána í nánustu framtíð.

fula1