Hringsjár

 

Um Hringsjár

Landslag yrði lítils virði ef það héti ekki neitt.

Það er örugglega rétt hjá skáldinu Tómasi Guðmundssyni að nafn gefur stað sérstakt gildi a.m.k. í huga Íslendinga.  

Það varð  þegar á árdögum Ferðafélags Íslands eitt verkefna þess að setja upp hringsjár til að auðvelda fólki að læra nöfn fjalla og annarra kennileita.  

Fyrsta hringsjáin var sett á Valhúsahæð á Seltjarnarnesi árið  1938 .  Þaðan blasir við mikill og fagur fjallahringur.  Á skífunni á Valhúsahæð eru 80 staðarnöfn.  

Hringsjár Ferðafélagsins og deilda þess eru nú 15.   Sjálfboðaliðar hafa mjög komið að gerð og uppsetningu hringsjánna.  Flestar þeirra eru teiknaðar af Jóni Víðis, landmælingamanni, sem var óþreytandi í störfum sínum fyrir félagið.  Á  Þverfellshorni Esju er skífa, sem Jakob Hálfdanarson teiknaði og gaf teikninguna Ferðafélaginu í minningu Jóns Víðis.

 

Hringsjár Ferðafélags Íslands:

 

Valhúsahæð á Seltjarnarnesi Vífilsfell Hakið á Þingvöllum, ofan Almannagjár Hamarskotsklappir á Akureyri Kambabrún við gamla veginn Fróðhúsaborg hjá Svignaskarði Jónasarlundur í Öxnadal Geirsalda á Kili Grímshóll á Vogastapa Húsavíkurfjall Valahnúkur í Þórsmörk Miðmorgunsalda í Veiðivötnum Bláhnúkur við Landmannalaugar Þverfellshorn á Esju Uxahryggir

Smelltu á kortið og kallaðu fram yfirlitsmynd Hringsjá á Valhúsahæð Hringsjá á Þverfellshorni á Esju

Á Valahnúk.
Einar Guðjohnsen fv. framkvæmdastjóri Ferðafélagsins með skóflu í hönd.

 

---

---