Reglulega gefur Ferðafélagið út fréttabréf. Bréfin eru flest rafræn en einnig er á hverju ári gefið út fréttabréf á pappír. Þessi fréttabréf eru nú aðgengileg hér á vefnum og hægt er að skoða þau hér >>.

Ferðafélag Íslands hefur gefið út fræðsluritið Norður við fjölvindahaf sem Hallvarður Guðlaugsson úr Hlöðuvik ritar.  Hallvarður (faðir Guðmundar Hallvarðssonar)  hefur í þessu riti tínt til gagnmerkan fróðleik um Hlöðuvík og æskuslóðir sinar.

Fagnaðu með okkur og undirbúðu ævintýri sumarsins!

Í dag opnar Forlagið nýja og stórglæsilega kortadeild í verslun sinni að Fiskislóð 39.  Af því tilefni verður opnunarhátíð í dag kl. 16-20 þar sem kynnt verður frábært úrval landakorta og ferðabóka.

Nýju Atlaskortin verða fáanleg á sérstöku kynningarverði. Grillaðar pylsur og Svali  verða í boði kl. 18-20 og heitt á könnunni fyrir gesti og gangandi. Fararstjórar og fulltrúar Ferðafélags Íslands munu mæta á staðinn og kynna nýútkomna árbók félagsins, Friðland að Fjallabaki, sem og ferðir sumarsins.  Allir Velkomnir!

Árbók Ferðafélags Íslands 2010 er nú komin út og fjallar að þessu sinni um FriðlandFjallabaki en þar eru Landmannalaugar og nágrenni í öndvegi. Höfundur bókarinnar er Ólafur Örn Haraldsson forseti FÍ.    Friðland að Fjallabaki er eitt fegursta svæði Íslands og náttúrufar þar einstakt á heimsvísu. Bók, sem fjallar um slíkt svæði, nær aldrei að fanga viðfangsefnið til fulls en reynt hefur verið að birta lesandanum sem flest af áhugaverðum einkennum friðlandsins.

Hálendishandbókin - ökuleiðir, gönguleiðir og áfangastaðir á hálendi Íslands er komin út í þriðja sinn. Bókin er orðin sígild sem traustur ferðafélagi á hálendinu og í þessari nýju útgáfu eru uppfærðar upplýsingar, nýjar ljósmyndir og nýjar leiðarlýsingar til nokkurra staða.
Höfundur bókarinnar er Páll Ásgeir Ásgeirsson sem situr í stjórn FÍ og fæst við fararstjórn á vegum félagsins.

Árbók Ferðafelags Islands 2009 um Vestmannaeyjar sem Guðjon Armann Eyjolfsson hefur verið tilnefnd til bokmenntaverðlaun Hagþenkis.

Ferðaáætlun FÍ 2010 er nú komin út og má finna allar ferðir sumarsins í áætluninni og hér á heimasíðunni.

,,Hressilegar áskoranir," segir formaður ferðanefndar FÍ.

Áætlunin má skoða hér >> 

Á dögunum rituðu Páll Guðmundsson framkvæmdastjóri FÍ og Páll Sigurðsson lagaprófessor við Háskóla Íslands undir ritsamning þess efnis að Páll Sigurðsson skrifar árbók FÍ 2012 um Skagafjörð. Þá liggja fyrir ritsamningar við árbókarhöfunda fram til ársins 2013.  Áríð 2010 fjallar árbók FÍ um Torfajökulssvæðið og Friðland að fjallabaki, 2011 um Dalina, 2012 um Skagafjörð og 2013 um Vopnafjörð og Melrakkasléttu.  Höfundar eru Árni Björnsson þjóðháttarfræðingur, Ólafur Örn Haraldsson forseti FÍ, Páll Sigurðsson lagaprófessor og Hjörleifur Guttormsson náttúrufræðingur.

Vatnaleiðin, nýtt fræðslurit FÍ er nú komið út og er hið 15. í ritröðinni.   Reynir Ingibjartsson skrifar leiðarlýsingu og fróðleik. Fjölmargir lögðu til myndir í ritið sem er 82 bls og hefur að geyma fjölda korta af gönguleiðum á svæðinu.  Ólafur Valsson sá um kortagerð og Sögumiðlun, Gyða Björnsdóttir braut um ritið.   Í útgáfunefnd FÍ sitja Birgir Guðmundsson, Pálmi Bjarnason og Birgir Sigurðsson.  Ritið er fáanlegt á skrifstofu FÍ sem og í öllum helstu bókaverslunum.

Svavar Sigmundsson verður sjötugur 7. september 2009. Af því tilefni mun Stofnun Árna Magnússonar í íslenskum fræðum gefa út afmælisrit honum til heiðurs með úrvali greina eftir hann. Valdar hafa verið 35 greinar eftir Svavar og spanna þær undanfarna fjóra áratugi. Meirihluti greinanna fjallar um nöfn og nafnfræði. Sjá eftirfarandi efnisyfirlit. Þar má finna greinar á sex tungumálum (dönsku, ensku, færeysku, íslensku, sænsku og þýsku). Auk þeirra verður í bókinni heildarskrá um útgefin rit Svavars Sigmundssonar. Bókin verður um 300 bls. að stærð.

Út er komin bókin Á fjallatindum eftir Bjarna E. Guðleifsson. Undirtitill bókarinnar er Gönguferðir á hæstu fjöll í sýslum landsins. Bókin er 432 síður, litprentuð, og lýsir gönguferðum nokkurra göngumanna á hæstu tinda í 24 sýslum landsins.

Árbók Ferðafélags Íslands 2008  eftir Hjörleif Guttormsson náttúrufræðing  um Úthérað ásamt Borgarfirði eystra, Víkum og Loðmundarfirð var í gærkvöldi tilnefnd til bókmenntaverðlauna. Fallegar ljósmyndir sem flestar eru eftir höfundinn skreyta bókina auk þess sem hún hefur að geyma nákvæm kort af þeim byggðarlögum sem fjallað er um.