FÍ Ung félagar

Ferðafélag unga fólksins, FÍ Ung, hefur það meginmarkmið að hvetja ungt fólk á aldrinum 18-25 ára að ferðast um, kynnast Íslandi og vera úti í náttúrunni í góðum og skemmtilegum félagsskap.

FÍ Ung var stofnað árið 2015 og er fyrst og fremst hugsað fyrir aldurinn 18-25 ára, þó svo að efri aldursmörkin séu nokkuð sveigjanleg. Tilgangurinn með stofnun félagsins var að hvetja ungt fólk til að fara á fjöll og skoða hina fjölbreyttu náttúru Íslands.

Félagið er mjög hentugt fyrir þá sem eru að stíga sín fyrstu skref í fjallamennsku og er líka frábært tækifæri til að hitta aðra á svipuðum aldri með svipuð áhugamál.

FÍ Ung býður upp á fjölbreytta dagskrá af stuttum dagsferðum á vorin og á sumrin er farið í nokkrar lengri ferðir.

Dagsferðir eru fríar fyrir félagsmenn FÍ Ung.  Árgjald í FÍ Ung er kr. 3.800,- 

GANGA Í FÍ
Verð: 3.800 kr.