Ferð: Fjallagarpar á Akrafjall

Suðvesturland
Fjallagarpar á Akrafjall
Ferðafélag barnanna
Ert þú félagsmaður í FÍ Nei
Lýsing

Í annarri fjallgöngunni af fjórum í Fjallagarpaverkefni fjölskyldunnar 2020 er farið á Akrafjall, fjall sem flestir krakkar sem búa á höfuðborgarsvæðinu hafa séð. 

Gengið er á Háahnjúk, tæplega 650 m. Þetta er alvöru fjallganga sem allir duglegir krakkar leika sér að og útsýnið svíkur engan. 

Brottför er kl. 13 á einkabílum frá skrifstofu FÍ, Mörkinni 6 en það má líka hitta hópinn við upphafsstað göngunnar við bílastæði á Akrafjallsvegi. Þá er keyrt upp úr Hvalfjarðargöngum, keyrður Akrafjallsvegur nr. 51 þar til komið er að skilti á hægri hönd sem vísar á Akrafjall. Sá vegur ekinn að bílastæði þaðan sem gangan hefst um kl. 13:45. 

Gott nesti og góðir skór. 3-4 klst.

Í Fjallagarpaverkefni fjölskyldunnar 2020 verður gengið á fjögur fjöll og verkefninu lýkur 7. júní. Þeir garpar sem ganga á öll fjöllin fá viðurkenningarskjal og titilinn Fjallagarpur Ferðafélags barnanna. Það má líka ganga bara á eitt fjall! Þetta er stórskemmtilegt verkefni fyrir alla fjölskylduna.

Fyrir félagsmenn FÍ og fjölskyldur þeirra. Ekkert að panta, bara mæta!

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir