- Lýsing
Fjölskyldunni gefst hér tækifæri til að ganga saman þessa vinsælustu gönguleið landsins, í ferð sem er skipulögð með börn og unglinga í huga. Áhersla er lögð á að fara ekki of hratt yfir, skemmtilegar samverustundir á kvöldin og að leyfa börnum og foreldrum að njóta samvista án rafrænna truflana. Glens og gaman í bland við fræðslu er aðalsmerki ferðarinnar. Umfram allt eru börnin í fyrirrúmi, þau fá að njóta sín og öll fræðsla er á máli sem þau skilja. Farangur og matur er trússaður á milli skála.
- Brottför/Mæting
- Kl. 8
- Fararstjórn
Kolbrún Björnsdóttir og Árni Árnason.
- Innifalið
- Rúta, gisting, trúss og fararstjórn.
Leiðarlýsing
1.d., miðvikud. Gengið frá Landmannalaugum í skálann í Hrafntinnuskeri. 5-6 klst.
2.d. Gengið um Kaldaklofsfjöll og gist í Hvanngili. 6-7 klst.
3.d. Haldið yfir ár og sanda í skálann í Emstrum. 7-8 klst.
4.d. Gengið yfir æsilega brú og vaxandi gróðurlendi niður í Langadal í Þórsmörk. 7-8 klst. Áfanganum fagnað með hoppi og híi og ærlegri kvöldvöku.
5.d. Morgunganga eða leti. Rúta til Reykjavíkur um hádegi.