Ferð: Borgarganga og menningarminjar

Suðvesturland
Borgarganga og menningarminjar
Söguganga í tilefni af Evrópska menningarminjadeginum
Ert þú félagsmaður í FÍ Nei
Lýsing

Í tilefni af Menningarminjadögunum 2017 er boðið upp á gönguferð um Laugarneshverfið í samstarfi Ferðafélags Íslands, Minjastofnunar Íslands og Borgarsögusafnsins.

Laugarneshverfið er elsta úthverfið í Reykjavík. Þar fór að myndast byggð á þriðja áratug 20. aldar en svæðið á sér mun lengri sögu. Í þessari göngu verður sagt frá sögu svæðisins og einnig frá þróun byggðarinnar á Teigunum.

Menningarminjadagarnir eru haldnir ár hvert í þeim 50 löndum sem eiga hlut að Menningarsáttmála Evrópu. Allt frá Aserbæsjan í austri, Tyrklands í suðri, Portúgals í vestri og Íslands í norðri. Markmið Menningarminjadaganna er að vekja athygli og áhuga á ríkri og fjölbreyttri menningu þeirra samfélaga sem byggja álfuna.

Þátttaka er ókeypis og allir velkomnir.

Fararstjóri/ar

Guðný Gerður Gunnarsdóttir, Helga Maureen Gylfadóttir og Pétur H. Ármannsson