Ferð: Dagleiðir við Djúp

Vestfirðir
Dagleiðir við Djúp
Gamlar vermannaleiðir og söguslóðir
Ert þú félagsmaður í FÍ Nei
Lýsing

Hið ægifagra Ísafjarðardjúp og fjalllendið umhverfis það býður upp á áhugaverðar og fallegar gönguleiðir.

Í þessari ferð er gist á Ísafirði eða í nágrenni, og gengnar dagleiðir umhverfis Djúp eða í nágrenni þess.

Farnar verða gamlar vermannaleiðir og um söguslóðir. Einnig verður gengið á Kaldbak þaðan sem sjá má vítt um Vestfjarðahálendið og virða fyrir sér mótun þess.

Fararstjórn

Ólína Kjerúlf Þorvarðardóttir

Innifalið
Gisting, rúta og fararstjórn

Leiðarlýsing

1.d. fimmtud. Fólk kemur sér sjálft til Ísafjarðar. Að kvöldi hittist hópurinn við Skarfasker í Hnífsdal, við mynni Bolungarvíkurganga og farin er upphitunarganga um hinn hrikalega aflagða Óshlíðarveg frá Hnífsdal að fornu verstöðinni Ósvör í Bolungarvík. 6-7 km. 2-3 klst.

2.d. Gengið um Þjófatinda, úr Seljalandsdal í Skutulsfirði yfir í Syðridal til Bolungarvíkur. Rúta flytur fólk aftur í bíla. 14 km. 6-7 klst.

3.d. Gengið um Álftafjarðarheiði  yfir í Korpudal í Önundarfirði. Ekið með rútu frá Ísafirði inn í Álftafjarðarbotn og gengin þaðan gamla vermannaleiðin úr Álftafirði yfir að Kirkjubóli í Korpudal þar sem rútan bíður. 16 km. 6-7 klst.

4.d. Ekið yfir í Kirkjubólsdal í Dýrafirði og gengið af Grenshjalla upp á Kaldbak, 998 m, þaðan sem útsýni er yfir Vestfjarðahálendið til allra átta. 4 klst.

5.d. Heimferðardagur.

Pakkað fyrir trússferð eða bækistöðvarferð

Í trússaðri ferð er farangur fluttur á milli náttstaða svo aðeins þarf að bera nauðsynlegan búnað fyrir einn dag í einu í léttum dagpoka. Mat, svefnpoka og tilheyrandi er pakkað ofan í trússtösku og flutt í náttstað, sem getur ýmist verið tjaldstæði eða skáli.

Þó að ekki þurfi í trússferðum að skera allan útbúnað niður eins og þegar gengið er með allt á bakinu þá er nauðsynlegt að pakka naumt. Oftast er takmarkað pláss í trússbílum og bátum og pökkun þarf að taka mið af því.

Bækistöðvaferð er svipuð trússferðum en þá er gengið með dagpoka út frá sama náttstað allan tímann, tjaldi eða skála. Í bækistöðvaferðum er farangur ekki trússaður á milli náttstaða og hægt að vera enn frjálslegri í pökkun en í trússferðunum.

Athugið að listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar og hvort sofið er í skála eða tjaldi. Ef gengið er á milli skála eða dvalið í skála, þá má þar oftast finna eldunaraðstöðu og matarílát auk salernis eða kamars með klósettpappír.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir

Í trússtöskunni

  • Svefnpoki og lítill koddi
  • Bolur til skiptana og til að sofa í
  • Auka nærbuxur og sokkar
  • Höfuðljós
  • Tannbursti og tannkrem
  • Sápa / sjampó
  • Lítið handklæði
  • Eyrnatappar
  • Skálaskór
  • Peningar
  • Núðlur eða pasta í pokum
  • Pulsur eða foreldaðar kjúklingabringur
  • Eitthvað gott á grillið
  • Kol og uppkveikilögur
  • Haframjöl
  • Brauð og flatkökur
  • Smjör og álegg, svo sem ostur, kæfa, hangikjöt
  • Hrökkbrauð og kex
  • Þurrkaðir ávextir, súkkulaði og hnetur
  • Kakó, te og/eða kaffi
  • Súpur
  • Krydd, t.d. salt og pipar

Ef sofið er í tjaldi þarf að auki í trússtöskuna

  • Tjald og tjalddýna
  • Prímus og eldsneyti
  • Eldspýtur
  • Pottur
  • Hitabrúsi og drykkjarbrúsi
  • Diskur og drykkjarmál
  • Hnífapör
  • Vasahnífur / skæri
  • Viðgerðasett, nál og tvinni, snæri og klemmur