Ferð: Eldfjallaganga í Búrfellsgjá

Suðvesturland
Eldfjallaganga í Búrfellsgjá
Í samstarfi við HÍ: Með fróðleik í fararnesti
Ert þú félagsmaður í FÍ Nei
Lýsing

Ferðafélag barnanna fer á flakk í Heiðmörk og skoðar eldfjöll.

Hópurinn hittist á bílastæði við Vífilsstaði áður en ekið er í halarófu inn í Heiðmörkina.

Snæbjörn Guðmundsson, doktorsnemi í jarðfræði við Háskóla Íslands, leiðir göngu um Búrfellsgjá að gígnum Búrfelli. Við fræðumst um ýmis jarðfræðileg fyrirbrigði svo sem eldgos og veltum fyrir okkur hvernig þessi fyrirbæri urðu til.

Allir klæða sig vel, í góða skó og taka með gott nesti. 3 klst.

Hluti af samstarfsverkefni Ferðafélags Íslands og Háskóla Íslands: Með fróðleik í fararnesti.


Þátttaka er ókeypis og allir velkomnir. Ekkert að panta, bara mæta!

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir