Ferð: Fjallagarpar á Ásfjall

Suðvesturland
Fjallagarpar á Ásfjall
Fjallagarpaverkefni fjölskyldunnar 4 af 6
Ert þú félagsmaður í FÍ Nei
Lýsing

Fjórða fjallgangan af sex í Fjallagarpaverkefni fjölskyldunnar. Þeir garpar sem ganga á öll fjöllin fá viðurkenningarskjal og titilinn Fjallagarpur Ferðafélags barnanna. Það má líka ganga bara á eitt fjall!


Eftir gott sumarfrí göngum við í kringum hina fallegu Ástjörn í Hafnarfirði og á Ásfjall sem einhverjir segja að sé lægsta fjall Íslands!

Þrátt fyrir að Ásfjall sé ekki ýkja hátt eða einungis um 127 m er frábært útsýni af því yfir höfuðborgarsvæðið.

Góðir skór og nesti. Tilvalið að skella sér í sund að göngu lokinni. 2 klst.


Fyrir félagsmenn FÍ og fjölskyldur þeirra. Ekkert að panta, bara mæta!


Dagskrá verkefnisins

Smellið á nöfn fjallanna fyrir nánari upplýsingar um hverja göngu.

  1. Selfjall. 9. maí.
  2. Keilir. 26. maí.
  3. Skálafell. 6. júní.
  4. Ásfjall. 15. ágúst.
  5. Vífilsfell. 29. ágúst.
  6. Móskarðshnúkar. 15. september.

      Pakkað fyrir dagsferð

      Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

      Göngufatnaður

      • Góðir gönguskór og mjúkir göngusokkar
      • Nærföt, ull eða flís, eftir veðri
      • Peysa úr ull eða flís
      • Göngubuxur / stuttbuxur

      Í dagpokanum

      • Bakpokahlíf / plastpoki inni í bakpokanum
      • Áttaviti, landakort og GPS tæki
      • Smurt nesti fyrir daginn
      • Göngunasl svo sem þurrkaðir ávextir, súkkulaði og hnetur
      • Vatnsbrúsi
      • Hitabrúsi með kakói, tei eða kaffi
      • Göngustafir
      • Myndavél og kíkir
      • Sólgleraugu / skíðagleraugu
      • Sólarvörn og varasalvi
      • Hælsærisplástur, plástur, teygjubindi og verkjalyf
      • Salernispappír, blautþurrkur og litlir plastpokar fyrir notaðan pappír
      • Húfa, vettlingar og buff um hálsinn
      • Vind- og vatnsþéttur hlífðarfatnaður
      • Legghlífar, vaðskór og broddar, ef þurfa þykir