Ferð: Fuglar og fornleifar við Elliðavatn

Suðvesturland
Fuglar og fornleifar við Elliðavatn
Fjölskylduganga í fegurð haustlitanna
Ert þú félagsmaður í FÍ Nei
Lýsing

Ferðafélag barnanna gengur í kringum Elliðavatn í fallegum haustlitum.

Á göngunni skoðum við minjar um þingstaði í upphafi Íslandsbyggðar, leitum að kanínum, athugum hvort við finnum smíðakofa eins og Emil í Kattholti á og fræðumst svolítið um stíflur og gömul bæjartún sem eru farin undir vatn.

Þægileg, fróðleg og skemmtileg ganga fyrir alla krakka.

Gönguskór nauðsynlegir, gott nesti og heitt á brúsa og ekki sakar að taka með lítinn bakpoka til að tína í fallega steina og laufblöð í haustlitum. 3 klst.

Fyrir félagsmenn FÍ og fjölskyldur þeirra. Ekkert að panta, bara mæta!

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir