Ferð: Hekla á fjallaskíðum

Suðurland
Hekla á fjallaskíðum
Á skíðum hjá rjúkandi gígum
Ert þú félagsmaður í FÍ Nei
Lýsing

Ekið um upphaf Dómadalsleiðar að Skjólkvíum við norðvesturhluta Heklu.

Þaðan er farið á skinnum upp á Heklutind þar sem meðal annars má finna rjúkandi gíga. Sama leið skíðuð niður að bílum.

Samráð verður haft við yfirvöld og almannavarnir og ferðin ekki farin ef hættuástand er yfirvofandi.


Í þessari ferð verður gengið á einn af hundrað hæstu tindum landsins. Sjá nánar.

Fararstjórn

Tómas Guðbjartsson og Helgi Jóhannesson.
Innifalið
Fararstjórn.

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir