Ferð: Hellar og hopp í Heiðmörk

Suðvesturland
Hellar og hopp í Heiðmörk
Fyrir alla fjölskylduna
Ert þú félagsmaður í FÍ Nei
Lýsing

Heiðmörkin er sannkallaður ævintýrastaður fyrir börn á öllum aldri!

Við förum í leiki, skoðum hella, göngum í kjarrinu og ef við erum heppin verður snjór yfir öllu. Þá getum við tekið með okkur þoturassa eða plastpoka og skóflur til að búa til snjókalla og ævintýralegar kynjaverur.

Allir taka með gott nesti, heitt á brúsa og vasaljós eða höfuðljós til að lýsa ef við finnum hella. 2-3 klst.

Fyrir félagsmenn FÍ og fjölskyldur þeirra. Ekkert að panta, bara mæta!

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir