Ferð: Hvannadalshnúkur á fjallaskíðum

Suðurland
Hvannadalshnúkur á fjallaskíðum
Á skíðum á hæsta tind landsins
Ert þú félagsmaður í FÍ Nei
Lýsing

Fyrst er gengið upp í 700 m hæð með skíðin á bakinu og þaðan skinnað upp að Línusteini og áfram upp svokallaða Dauðabrekku að brún öskjunnar í 1750 m hæð. Haldið er eftir hefðbundinni leið vestan megin öskjunnar að rótum Hvannadalshnúks og hann toppaður með skíðin á bakinu.

Þeir sem treysta sér til skíða niður tindinn og svo sömu leið niður að Sandfelli.

Sameiginlegur kvöldverður að ferð lokinni ekki innifalinn. Gisting á eigin vegum.

Samráð verður haft við yfirvöld og Almannavarnir og ferðin ekki farin ef hættuástand er yfirvofandi í Öræfajökli.

Ganga þarf frá greiðslu þremur vikum fyrir ferð.

Athugið að þessi ferð er farin tvisvar í vor:

  • 5. maí. FULLBÓKUÐ.
  • 19. maí. FULLBÓKUÐ.

Í þessari ferð verður gengið á einn af hundrað hæstu tindum landsins. Sjá nánar.

Fararstjórn

Tómas Guðbjartsson og Helgi Jóhannesson.
Innifalið
Fararstjórn.

Pakkað fyrir dagsferð á jökli

Ísland liggur við heimskautsbaug og alltaf má búast við vondum veðrum, sér í lagi þegar ferðast er á há fjöll eða jökla. Jafnframt krefjast jöklaferðir margvíslegs öryggisbúnaðar og því er dagpoki jöklaferðalangs töluvert þyngri en þegar gengið er á lægri fjöll utan jökla.

Athugið að enginn skyldi ferðast einn á jökli. Á sprungusvæðum jökla þarf að ganga í línu og lágmarkið er þrír í línu. Aðeins þeir sem hafa góða þekkingu á sprungubjörgun ættu að ferðast fararstjóralausir á jökli.

Listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir uppháir gönguskór úr leðri eða stífir jöklaskór
  • Mjúkir göngusokkar
  • Nærföt, ull eða flís
  • Peysa úr ull, flís eða mjúkskel
  • Göngubuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi. Nauðsynlegt er að taka nóg af vatni þegar ferðast er lengi á jökli
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar

Öryggisbúnaður

  • Belti með karabínu
  • Jöklabroddar sem búið er að stilla á gönguskóna
  • Ísöxi
  • Jöklalína (hjá fararstjóra)
  • Sprungubjörgunarbúnaður (hjá fararstjóra)
  • Snjóflóðaýlir, snjóflóðastöng og skófla ef ferðast er um möguleg snjóflóðasvæði

Ef fjallaskíðaferð

  • Fjallaskíði og stafir
  • Skíðahjálmur
  • Skinn undir skíðin
  • Broddar undir skíðin