Ferð: Í fótspor Konrads Maurers

Vesturland
Í fótspor Konrads Maurers
Söguferð um Stykkishólm og Helgafellssveit
Ert þú félagsmaður í FÍ Nei
Lýsing

Haldið er á þær slóðir sem Konrad Maurer heimsótti í Íslandsheimsókn sinni og að þessu sinni er farið um Stykkishólm og Helgafellssveit.

Ekið í Stykkishólm þar sem gamla kirkjan, Eldfjallasafnið, Norska húsið og fleira er skoðað.

Eftir hádegisverð er haldið að Helgafelli og síðan um Berserkjahraun í Bjarnarhöfn til að skoða kirkjuna þar. Ekið inn Skógarströnd með viðkomu á Narfeyri í Álftafirði og á Breiðabólstað á Skógarströnd.

Fararstjórn

Sigurjón Pétursson og Jóhann J. Ólafsson.

Innifalið
Rúta, hádegisverður, eftirmiðdagskaffi, ferðabæklingur, aðgangseyrir og fararstjórn

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir