Ferð: Örganga í Hafnarfirði

Suðvesturland
Örganga í Hafnarfirði
Ástjörn og Ásfjall
Ert þú félagsmaður í FÍ Nei
Lýsing

Gengið að Ástjörn sem er hraunstíflað vatn og rætt um tilurð hennar og lífríki. Síðan er haldið að gamla bæjarstæði Ásbæjar og litið á minjar og rifjaðar upp sögur af fólkinu sem þarna bjó.

Að því búnu er gengið upp á Ásfjallsöxl eystri að þeim stað þar sem lengi stóð landamerkjavarða. Þaðan er gengið á Ásfjall þar sem útsýni er gott til allra átta, þrátt fyrir að fjallið sé með þeim lægstu á landinu, aðeins 127 m. Þar er gömul varða sem gegndi miklu hlutverki og hleðsla frá stríðsárunum.

Að lokum er gengið niður um Ásfjallsöxl vestri í áttina að Grísanesi og yfir það að bílum.


Þátttaka er ókeypis og allir velkomnir.

Fararstjórn

Jónatan Garðarsson.

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir