Ferð: Pílagrímaleið. Fimmti áfangi

Suðurland
Pílagrímaleið. Fimmti áfangi
Gengið frá Ólafsvallakirkju í Skálholt
Ert þú félagsmaður í FÍ Nei
Lýsing

Gengið á fimm sunnudögum frá Strandarkirkju í Selvogi heim í Skálholt. Þátttakendur mæta á einkabílum á áfangastað hverrar göngu og skilja bíla eftir þar. Rúta flytur hópinn á upphafsstað og svo er gengið í bílana. Hægt að fara í stakar ferðir.

Í þessum fimmta og síðasta áfanga er gengið frá Ólafsvallakirkju á Skeiðum í átt að Fjalli og vestan megin við Vörðufell heim í Skálholt. Göngunni lýkur á Skálholtshátíð en þar koma pílagrímar líka gangandi úr Borgarfirði þennan dag. 17 km.

Ódýr gisting í boði í Skálholti nóttina fyrir göngudag.

Ganga þarf frá greiðslu fyrir kl. 15, fimmtud. fyrir ferð.

Fararstjóri/ar

Axel Á. Njarðvík og Halldór Reynisson

Innifalið
Fararstjórn, hugleiðingar, kaffiveitingar á Skálholtshátíð og rúta á byrjunarstað

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir