Ferð: Rathlaupaleikur við Reynisvatn

Suðvesturland
Rathlaupaleikur við Reynisvatn
Fjölskylduþraut með kort og áttavita
Ert þú félagsmaður í FÍ Nei
Lýsing

Við lærum að lesa kort og rata.

Keyrt að Reynisvatni þar sem sérfræðingar frá Rathlaupafélaginu Heklu taka á móti okkur og kenna okkur undirstöðuatriðin í rötun. Svo fær hver fjölskylda kort með merktum fánastaðsetningum og fær 40 mínútur til að finna eins marga fána og hún getur.

Þetta er afar skemmtileg fjölskylduþraut. Fínt er að koma með áttavita, ef fólk á. 2 klst.

Í samstarfi við Rathlaupafélagið Heklu. Þátttaka er ókeypis og allir velkomnir.

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir