Ferð: Rötun og hellar

Suðvesturland
Rötun og hellar
Varúð: Óvissuhellaferð
Ert þú félagsmaður í FÍ Nei
Lýsing

Rjúpnatímabilið stendur sem hæst og Ferðafélag barnanna gengur fram með góðu fordæmi og lærir á GPS tæki.

Þetta er í grunninn hellaskoðunarferð en jafnframt mikil óvissuferð því enginn veit hvort hópnum tekst að finna hellana sem til stendur að skoða! Ef allt fer í vitleysu þá verður hægt að leita að okkur skammt fyrir ofan Hafnarfjörð, við Fjallið eina og Hrútagjá :)

Þeir sem eiga GPS tæki, kort og áttavita koma með það. Og svo auðvitað höfuðljós fyrir hellana og mikið og gott nesti. 2-3 klst.

Þátttaka er ókeypis og allir velkomnir.       

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir