Ferð: Snjó- og súkkulaðiveisla

Suðvesturland
Snjó- og súkkulaðiveisla
Ferðafélag barnanna
Ert þú félagsmaður í FÍ Nei
Lýsing

Ferðafélag barnanna fer í snjóleiðangur í Heiðmörk sem er sannkallaður ævintýrastaður fyrir börn á öllum aldri!

Við ætlum að leika okkur í snjónum, renna okkur á rassaþotum og sleðum, reyna að búa til snjóhús og snjókarla, fara í leiki, drekka heitt súkkulaði og borða uppáhaldsnestið okkar.

Muna að taka með sér þoturassa eða plastpoka og skóflur til að búa til snjókarla og ævintýralegar kynjaverur.

Mikilvægt er að klæða sig vel og auðvitað að taka með nesti og heitt súkkulaði. 2 klst.


Fyrir félagsmenn FÍ og fjölskyldur þeirra. Ekkert að panta, bara mæta!

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir