Ferð: Sólarupprás á Snæfellsjökli

Vesturland
Sólarupprás á Snæfellsjökli
Sjáðu Snæfellsjökulinn loga
Ert þú félagsmaður í FÍ Nei
Lýsing

Skemmtileg fjallganga á kórónu Snæfellsness, Snæfellsjökul. Gengið er að nóttu, í myrkri með höfuðljós og staðið á tindinum við sólarupprás.

Mæting er um kl. 4:30 aðfararnótt laugardagsins undir Stapafelli við veginn upp á Jökulháls. Í fyrstu er vegslóðanum upp Jökulháls fylgt og svo er haldið upp á jökulinn meðfram gömlu skíðalyftunum, Þríhyrningum og þaðan að tindum jökulsins, Miðþúfu 1446 m, Vesturþúfu 1442 m og Norðurþúfu 1390 m, 12-19 km eftir því hversu langt verður hægt að aka.

Jöklabúnaður nauðsynlegur og gott að vera með snjóþrúgur en ekki nauðsynlegt.


Í þessari ferð verður gengið á tvo af hundrað hæstu tindum landsins. Sjá nánar.

Fararstjórn

Ragnar Antoniussen.
Innifalið
Fararstjórn

Pakkað fyrir dagsferð á jökli

Ísland liggur við heimskautsbaug og alltaf má búast við vondum veðrum, sér í lagi þegar ferðast er á há fjöll eða jökla. Jafnframt krefjast jöklaferðir margvíslegs öryggisbúnaðar og því er dagpoki jöklaferðalangs töluvert þyngri en þegar gengið er á lægri fjöll utan jökla.

Athugið að enginn skyldi ferðast einn á jökli. Á sprungusvæðum jökla þarf að ganga í línu og lágmarkið er þrír í línu. Aðeins þeir sem hafa góða þekkingu á sprungubjörgun ættu að ferðast fararstjóralausir á jökli.

Listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir uppháir gönguskór úr leðri eða stífir jöklaskór
  • Mjúkir göngusokkar
  • Nærföt, ull eða flís
  • Peysa úr ull, flís eða mjúkskel
  • Göngubuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi. Nauðsynlegt er að taka nóg af vatni þegar ferðast er lengi á jökli
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar

Öryggisbúnaður

  • Belti með karabínu
  • Jöklabroddar sem búið er að stilla á gönguskóna
  • Ísöxi
  • Jöklalína (hjá fararstjóra)
  • Sprungubjörgunarbúnaður (hjá fararstjóra)
  • Snjóflóðaýlir, snjóflóðastöng og skófla ef ferðast er um möguleg snjóflóðasvæði

Ef fjallaskíðaferð

  • Fjallaskíði og stafir
  • Skíðahjálmur
  • Skinn undir skíðin
  • Broddar undir skíðin