Ferð: Úlfarsfell

Suðvesturland
Úlfarsfell
Fjallagarpaverkefni fjölskyldunnar 1 af 6
Ert þú félagsmaður í FÍ Nei
Lýsing

Fyrsta fjallgangan af sex í Fjallagarpaverkefni fjölskyldunnar. Þeir garpar sem ganga á öll fjöllin fá viðurkenningarskjal og titilinn Fjallagarpur Ferðafélags barnanna. Það má líka ganga bara á eitt fjall!

Við höfum öll keyrt fram hjá Úlfarsfelli þegar við förum í Mosfellsbæ eða ætlum út úr höfuðborginni. Lagt er af stað í gönguna frá bílastæði Skógræktar í vesturhlíðum Úlfarsfells við Vesturlandsveg.

Úlfarsfell er nokkuð hátt fjall fyrir unga fjallagarpa en það státar af fjölmörgum skemmtilegum gönguleiðum. Gengið um skóglendi og á þægilegum stígum áður en við komum á tindinn. 2-3 klst.

Gengið er á alls konar undirlagi svo gott er að vera í góðum skóm og að sjálfsögðu með nesti og vatn til að sefa gönguþorstann. Til að tryggja góða skapið og hafa orku í líkamanum er líka mikilvægt að muna eftir hollu og góðu „göngunammi“ til að grípa í á leiðinni upp bröttustu brekkurnar. 

Fyrir félagsmenn FÍ og fjölskyldur þeirra. Ekkert að panta, bara mæta!

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir