Ferð: Yfir Snæfellsnes um Ljósufjöll

Vesturland
Yfir Snæfellsnes um Ljósufjöll
Snæfellsnesfjallgarðurinn þveraður
Ert þú félagsmaður í FÍ Nei
Lýsing

Skemmtileg ganga frá Kleifárvöllum, sunnan megin á Snæfellsnesi, um Ljósufjöll, niður í Soldeyjardal og endað við Álftafjörð norðan megin. Í Soldeyjardal varð mannskætt flugslys þann 5. apríl árið 1986.

Í boði verður að fara á Miðtind, hæsta tind Ljósufjalla, 1.063 m, Bleik og Grána og einnig á Botna-Skyrtunnu, 988 m.

Mjög gott útsýni til allra átta, yfir Faxaflóa og Breiðafjörð. 16 km. 8-9 klst. á göngu.

Ganga þarf frá greiðslu þremur vikum fyrir ferð.

Fararstjóri/ar

Ragnar Antoniussen

Innifalið
Rúta frá Álftafirði til baka að bílum og fararstjórn

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir