Blákollur fyrir ofan Sandskeið
- Lýsing
Skemmtilegur hringur þar sem gengið er upp á Blákoll sem er eitt af fjöllunum sem Svínahraun umlykur.
Fjöllin í kring þekkjum við sem kennileiti á leiðinni austur fyrir fjall. Öll þessi fjöll eru bæði tignarleg og skemmtileg að ganga á.
Saga og jarðfræði svæðisins er mikil og gerir svæðið ennþá meira heillandi. Ganga: um 6 km og hækkun: um 350 m.Búnaður: Höfuðljós, góðir skór, vökvi og smá orka.
Þátttakendur hittast á bílastæðinu við skiltið sem minnir okkur á að hægja á okkur í umferðinni. Sjá kort hér
- Brottför/Mæting
- Kl. 18:00 frá upphafsstað göngunnar
- Fararstjórn
- Innifalið
- Fararstjórn
Búnaður
Pakkað fyrir dagsferð
Dagsferðir eru mismunandi og geta tekið frá örfáum klukkustundum upp í hálfan sólarhring. Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.
Göngufatnaður
- Góðir gönguskór og mjúkir göngusokkar
- Nærföt, ull eða flís, eftir veðri
- Peysa úr ull eða flís
- Göngubuxur / stuttbuxur
Í dagpokanum
- Bakpokahlíf / plastpoki inni í bakpokanum
- Áttaviti, landakort og GPS tæki
- Smurt nesti fyrir daginn
- Göngunasl svo sem þurrkaðir ávextir, súkkulaði og hnetur
- Vatnsbrúsi
- Hitabrúsi með kakói, tei eða kaffi
- Höfuðljós
- Göngustafir
- Myndavél og kíkir
- Sólgleraugu / skíðagleraugu
- Sólarvörn og varasalvi
- Hælsærisplástur, plástur, teygjubindi og verkjalyf
- Salernispappír, blautþurrkur og litlir plastpokar fyrir notaðan pappír
- Húfa, vettlingar og buff um hálsinn
- Vind- og vatnsþéttur hlífðarfatnaður
- Legghlífar, vaðskór og broddar, ef þurfa þykir
- Hleðslubanki
