Skilmálar og verð

Skálabókanir

Nauðsynlegt er að panta skálagistingu.

Við bókun þarf að greiða staðfestingargjald, 1.000 kr á mann fyrir hverja gistinótt. Gjaldið greiðist bæði af félagsmönnum og utanfélagsmönnum. Staðfestingargjald vegna afbókaðra gistiplássa fæst ekki endurgreitt og gengur ekki upp í lokagreiðslu ef fækka þarf bókuðum plássum.

Greiða þarf gistigjöld að fullu með minnst sex vikna fyrirvara til að tryggja gistipláss og forðast óþægindi. Til að tryggja félagsverð þarf að greiða árgjald áður en greiðsla fer fram.  

Hópabókanir skal greiða í einu lagi. Áður en greiðsla fer fram þarf forsvarsmaður hópsins að framvísa nafnalista þar sem kennitölur félagsmanna koma fram. Eftir greiðslu fær forsvarsmaður þjónustubeiðni til að framvísa í skála.

Afslættir

Börn og unglingar, 7-18, í fylgd forráðamanna, greiða hálft gjald í skála. Börn, 6 ára og yngri, gista ókeypis með forráðamönnum sínum.

Félagsmenn í Ferðafélagi Íslands fá afslátt í alla skála félagsins. Afsláttur félagsmanna gildir einnig fyrir maka og börn að 18 ára aldri í fylgd félagsmanns.

Afbókunarskilmálar

Ef skálagisting er afpöntuð gilda eftirfarandi reglur.

Endurgreitt að staðfestingargjaldi frátöldu:

  • Afbókun 14 dögum fyrir dagsetningu, 80% endurgreiðsla af gistigjaldi.
  • Afbókun 7 dögum fyrir dagsetningu, 50% endurgreiðsla.
  • Ekki er endurgreitt ef afbókað er innan viku frá dagsetningu.
  • Ekki er endurgreitt vegna veðurs eða annarra náttúruafla, seinkunar eða ef viðkomandi mætir ekki á staðinn.

Tryggingar

Ferðafélag Íslands tryggir hvorki farþega sína né farangur þeirra. Farþegar ferðast með félaginu og dvelja í skálum félagsins á eigin ábyrgð. Félagið hvetur fólk til að kaupa ferða- og slysatryggingar fyrir ferðir, vera vel útbúið og kynna sér veður áður en lagt er af stað.

Verðskrá frá 1. maí 2018

Skáli Almennt verð / Félagsverð
 Álftavatn  9000 / 4500 kr.
 Baldvinsskáli  7000 / 4000 kr.
 Emstrur  8500 / 4500 kr.
 Hagavatn  5500 / 3500 kr.
 Hlöðuvellir  6000 / 4000 kr.
 Hornbjargsviti  8500 / 4500 kr.
 Hrafntinnusker  9000 / 4500 kr.
 Hvanngil  8500 / 4500 kr.
 Hvítárnes  6000 / 4000 kr.
 Landmannalaugar  9000 / 4500 kr.
 Norðurfjörður / Valgeirsstaðir  7000 / 4500 kr.
 Nýidalur  8500 / 4500 kr.
 Þjófadalir  5500 / 3500 kr.
 Þórsmörk / Langidalur  8000 / 4500 kr.
 Þverbrekknamúli  6000 / 4000 kr.
   
 Tjaldgisting  2000 / 1000 kr.
 Aðstöðugjald*  500 / 500 kr.
 Sturtugjöld **  500 / 500 kr.

 
* Ef aðstaða við skála FÍ er nýtt svo sem klósett og grill, án þess að gista, þá þarf að greiða aðstöðugjald. Einungis er hægt að nýta aðstöðu innandyra ef nóg pláss er í skála.
** Sturtugjöld eru hvorki innifalin í skálagistingu né aðstöðugjaldi. Greiða þarf í sturturnar með smámynt í þar til gerða sjálfsala.