Fréttir

Metaðsókn er í fjalla­verk­efni FÍ

Fjallaverkefni Ferðafélags Íslands hafa verið vinsæl undanfarin ár en áhugi á þeim nú hefur slegið öll fyrri met. Páll Guðmundsson, framkvæmdastjóri FÍ, segir metaðsókn hafi verið á kynningarkvöldum þessara verkefna og nú þegar orðið fullbókað flest fjallaverkefni.

Ferðaáætlun 2019 komin út

Prentað eintak ferðaáætlunar FÍ 2019 er komið út og er í dreifingu til félagsmanna. Ritið er veglegt, hartnær 100 blaðsíður, stútfullt af spennandi ferðum fyrir alla aldurshópa. Í boði eru sumarleyfisferðir, dagsferðir, helgarferðir, fjallaskíðaferðir, úrval fjalla- og hreyfiverkefna auk áætlunar Ferðafélags barnanna og FÍ Ung.

Kynningar á fjallaverkefnum

Ferðafélag Íslands heldur úti fjalla- og hreyfihópum sem ganga út á reglulegar fjallgöngur, heilsubót og góðan félagsskap. Framundan eru kynningar á verkefnum sem er að hefja göngu sína nú í janúar. Meginmarkmið þessara verkefna er útivera, náttúruupplifun, gleði og góður félagsskapur. Eins og í öllum ferðum Ferðafélags Íslands er mikil áhersla lögð á fræðslu og öryggi á fjöllum.

Grænlandskvöld 3. janúar. Hreindýrabóndinn og hlýnun jarðar

Fimmtudaginn 3. janúar kl. 20 í sal FÍ verður haldið Grænlandskvöld í boði Ferðafélags Íslands. Stefán Hrafn Magnússon, hreindýrabóndi í Isortoq, mun fjalla um mannlíf og þær ógnir sem náttúran stendur frammi fyrir vegna hlýnunar jarðar. Stefán hefur undanfarna áratugi búið í skjóli jökulsins og séð þau áhrif sem orðið hafa.

Ferðaáætlun FÍ 2019 komin á heimasíðuna

Ferðaáætlun FÍ 2019 er nú komin til birtingar hér á heimasíðunni í allri sinni dýrð. Um leið er byrjað að bóka í ferðir.

Stjórn Ferðafélags Íslands samþykkir málstefnu

Stjórn Ferðafélags Íslands samþykkti í haust íslenska málstefnu, sem unnið verður eftir innan félagsins. Ólafur Örn Haraldsson, forseti FÍ, segir stöðu íslenskunnar vera áhyggjuefni og hvetur önnur félagasamtök til að leggja íslenskunni lið. „Vandað íslenskt mál hefur lengi verið í hávegum haft innan félagsins,“ segir Ólafur Örn, en Ferðafélagið var stofnað árið 1927. „Þar ber fyrst að nefna Árbók Ferðafélagsins, en úrvalslið hefur áratugum saman starfað í ritnefnd og við umsjón og frá upphafi hafa valinkunnir höfundar skrifað þessar bækur. Krafan um gæði hefur vaxið mikið og þá ekki aðeins um vandað islenskt mál og góðar ljósmyndir heldur eru nú gerðar fræðibókakröfur til útgáfunnar hvað varðar tilvísanir, heimildir og nafnaskrár.

Skráning hafin í fjalla- og hreyfihópa

Það er margt í boði og sannarlega eitthvað fyrir alla. Kynntu þér úrvalið og komdu með okkur út í náttúruna.

Jólamarkaður í Heiðmörk

Vinir okkar í Skógræktarfélagi Reykjavíkur standa fyrir jólamarkaði í Heiðmörk fram að jólum. Opið er um helgarnar frá 1.12 -22.12 frá klukkan 12:00 til 17:00.

Viðbragðsáætlun ferðaþjónustunnar vegna náttúruvár

Skarphéðinn Berg Steinarsson ferðamálastjóri og Haraldur Johannessen ríkislögreglustjóri undirrituðu á dögunum viðbragðsáætlun ferðaþjónustunnar vegna náttúruvár. Markmið áætlunarinnar eru að tryggja skipulögð og samhæfð viðbrögð allra aðila á neyðartímum.

Myndakvöld FÍ 28. nóvember

Ferðafélag Íslands stendur fyrir myndakvöldi miðvikudaginn 28. nóvember kl. 20 í sal félagsins Mörkinni 6. Kóngsvegurinn er stærsta einstaka framkvæmd Íslendinga. Hann var gerður til að taka á móti Friðrik áttunda konungi sumarið 1907. Föruneyti konungs taldi um 200 manns, ríkisþingmenn og aðstoðarfólk. Leiðin liggur frá Reykjavík um Mosfellssveit til Þingvalla, Laugarvatns, Geysis, Gullfoss um Hrunamannahrepp niður Þjórsárbakka og sem leið liggur um Hellisheiði til Reykjavíkur.