Skilmálar og verð

Nauðsynlegt er að panta skálagistingu og greiða þarf gistigjöld við bókun. Til að tryggja félagsverð þarf að greiða árgjald áður en greiðsla fer fram.  

Hópabókanir

Hópabókanir í skála skal greiða í einu lagi. Áður en greiðsla fer fram þarf forsvarsmaður hópsins að framvísa nafnalista þar sem kennitölur félagsmanna koma fram. Eftir greiðslu fær forsvarsmaður þjónustubeiðni til að framvísa í skála.

Við viljum ítreka mikilvægi þess að forsvarsmaður hóps kynni sér og upplýsi samferðafólk sitt um bókunarskilmála félagsins til að koma í veg fyrir misskilning síðar.

Afslættir

Börn og unglingar, 7-18, í fylgd forráðamanna, greiða hálft gjald bæði í skála og á tjaldsvæði. Börn, 6 ára og yngri, gista ókeypis með forráðamönnum sínum.

Félagsmenn í Ferðafélagi Íslands fá afslátt í alla skála og tjaldsvæði félagsins. Afsláttur félagsmanna gildir einnig fyrir maka og börn að 18 ára aldri í fylgd félagsmanns.

Afbókunarskilmálar

Ef skálagisting er afpöntuð gilda eftirfarandi reglur:

  • Afbókun innan 7 daga frá bókun og meira en 30 dögum fyrir dagsetningu: 85% endurgreiðsla gistigjalds. 

  • Afbókun 29-14 fyrir dagsetningu: 50% endurgreiðsla gistigjalds.  

  • Afbókun 13-7 fyrir dagsetningu: 25% endurgreiðsla gistigjalds. 

  • Afbókun innan við viku frá dagsetningu: Engin endurgreiðsla.  

  • Ekki er endurgreitt vegna veðurs eða annarra náttúruafla, seinkunar eða ef viðkomandi mætir ekki á staðinn.

Tryggingar

Ferðafélag Íslands tryggir hvorki farþega sína né farangur þeirra. Farþegar ferðast með félaginu og dvelja í skálum eða á tjaldsvæðum félagsins á eigin ábyrgð. Félagið hvetur fólk til að kaupa ferða- og slysatryggingar fyrir ferðir, vera vel útbúið og kynna sér veður áður en lagt er af stað.

Verðskrá frá 1. maí 2019

Skáli Almennt verð / Félagsverð
 Álftavatn  9000 / 4500 kr.
 Emstrur   9000 / 4500 kr. 
 Fimmvörðuháls / Baldvinsskáli  7000 / 4000 kr.
 Hagavatn  5500 / 3500 kr.
 Hlöðuvellir  6000 / 4000 kr.
 Hornbjargsviti  9000 / 4500 kr.
 Hrafntinnusker  9000 / 4500 kr.
 Hvanngil  9000 / 4500 kr.
 Hvítárnes  6000 / 4000 kr.
 Landmannalaugar  9000 / 4500 kr.
 Norðurfjörður / Valgeirsstaðir  7000 / 4500 kr.
 Nýidalur  9000 / 4500 kr.
 Þjófadalir  5500 / 3500 kr.
 Þórsmörk / Langidalur  9000 / 4500 kr.
 Þverbrekknamúli  6000 / 4000 kr.
   
 Tjaldgisting  2000 / 1000 kr.
 Aðstöðugjald*  500 / 500 kr.
 Sturtugjöld **  500 / 500 kr.


Verðskrá er birt með fyrirvara um innsláttarvillur

 
* Ef aðstaða við skála FÍ er nýtt svo sem klósett og grill, án þess að gista, þá þarf að greiða aðstöðugjald. Einungis er hægt að nýta aðstöðu innandyra ef nóg pláss er í skála. Hægt er að kaupa aðstöðugjald fyrirfram á netinu fyrir 400 kr.
** Sturtugjöld eru hvorki innifalin í skálagistingu né aðstöðugjaldi. Greiða þarf í sturturnar með smámynt í þar til gerða sjálfsala.