Starfsmaður

Kristján Eldjárn Hjartarson

Kristján Eldjárn Hjartarson

Fararstjóri

Starfsheiti
employeesEmployeeMobile 846 3390

Kristján er alinn upp af foreldrum, þeim Hirti Eldjárn og Sigríði Hafstað á Tjörn í Svarfaðardal, sem notuðu hvert tækifæri sem gafst til að ganga á fjöll og kanna gönguleiðir. Þau voru landkönnuðir og við þau skilyrði ólst Kristján upp og smitaðist af hinni skæðu útivistar- og fjallabakteríu.

Kristján hefur verið fjallaleiðsögumaður á hverju sumri frá árinu 1996 og leiðsagt hundruðum göngufólks um svarfdælsk fjöll og firnindi, og miðlað þeim af þekkingu sinni um sögu dalsins, náttúru hans og örnefni, flóru og fánu.

Kristján er búfræðingur frá Hólum í Hjaltadal og húsasmíðameistari frá Iðnskólanum á Akureyri. Hann útskrifaðist árið 2006 sem byggingafræðingur frá Vitus Bering, Danmark, Center for Videregoinde Uddannelse, og er sjálfstætt starfandi sem slíkur. Kristján hefur tekið virkan þátt í menningar- og félagsstarfi í sinni heimasveit. Hann var formaður Bandalags Íslenskra Leikfélaga um skeið og söng bassann í Tjarnarkvartettinum í þau 14 ár sem kvartettinn starfaði.

Ómissandi í bakpokann

Ný lifrarpylsa.

Uppáhalds leiksvæði

Tröllaskaginn utanverður.