FÍ Fótfrár
Um verkefnið 2021
Verkefnin FÍ Léttfeti, Fótfrár og Þrautseigur eru systurverkefni. Í Fótfráum er gengið á eitt fjall í mánuði. Fjöllin sem fyrir valinu verða eru miðlungi erfið til krefjandi og almennt er gengið hraðar en í Léttfeta. Hver ganga er kynnt í vikunni fyrir brottför með tölvupósti til þátttakenda og/eða á Facebook síðu hópsins. Þátttakendur sjá sjálfir um að komast að upphafsstað göngu.
Verkefnið stendur allt árið, frá janúar til desember. Farið er í 10 dagsferðir og eina helgarferð þannig að alls eru göngudagar 12 talsins. Gengnir verða skv. áætlun 152 km og með samanlagðri hækkun upp á 7.420 m.
FÍ Fótfrár er tilvalinn fyrir þá sem hafa einhverja reynslu af fjallgöngum þar sem þessi hópur ræðst til uppgöngu á miðlungi erfið og allt upp í krefjandi fjöll. Þátttakendur þurfa því að vera í nokkuð góðu gönguformi.
Kynningarfundur þriðjud. 12. janúar.
Verkefnið er fullbókað.
Umsjónarmenn eru Einar Ragnar Sigurðsson og Höskuldur Björnsson.
Verð: 49.900 kr. Árgjald FÍ er innifalið.
Dagskrá FÍ Fótfrás 2021
* Rúta sem greiðist aukalega
** Skála- eða tjaldgisting sem greiðist aukalega
*** Jöklabúnaður nauðsynlegur
Ferðafélag Íslands áskilur sér rétt til að breyta, fresta eða endurskipuleggja dagskrá fjallaverkefna félagsins vegna sóttvarnarfyrirmæla í tengslum við Covid 19 eða annarra óviðráðanlegra aðstæðna.
Skráning í FÍ Fótfrá
Verkefnið er fullbókað.
