Norðurfjörður / Valgeirsstaðir

Smellið á bláa hnappinn hér uppi til hægri til að bóka skálagistingu.

Valgeirsstaðir í Norðurfirði er gamall bóndabær með svefnaðstöðu fyrir 26.

AÐSTAÐA

Húsið er á tveimur hæðum og gist er í sex herbergjum. Eldhúsið er fullbúið og ágætlega rúmgott og salerni er inni við.

Við húsið er gott tjaldstæði og rétt hjá er gamalt fjárhús sem hefur verið gert upp og nýtist sem samkomustaður. Þar inni er lítil eldunaraðstaða og klósett fyrir tjald- og samkomugesti. Góð grillaðstaða er á milli bæjarins og fjárhússins, gestir koma sjálfir með kol og kveikivökva.

Svæðið allt er afar heppilegur samkomustaður fyrir hópa, t.d. ættarmót. Skammt er í verslun og hina rómuðu Krossneslaug.

OPNUN OG AÐGENGI

Fært er á öllum bílum á Valgeirsstaði.

Í meðalári má gera ráð fyrir því að skálinn sé opinn frá byrjun júní til loka ágúst.

Skálinn er lokaður og læstur yfir vetrartímann og að öllu jöfnu er ekki hægt að komast þar inn að vetrarlagi. 

NÆSTA NÁGRENNI

Fjölmargar gönguleiðir eru í nágrenni við Valgeirsstaði. Stutt er í Krossneslaug. Frá Norðurfirði er meðal annars siglt í Hornbjargsvita.