Fararstjóri

Signý er menntaður vöruhönnuður, æðarbóndi og fjallaleiðsögukona sem sótt hefur í óbyggðirnar frá blautu barnsbeini. Það er fátt sem gefur henni meira en að pakka í bakpokan öllu sem til þarf fyrir nætur á fjöllum.

Á vormánuðum sinnir hún æðarvarpi í Seyðisfirði og hefur gert síðastliðin ár. Þar er útiveran og nálægðin við dýralífið og náttúruna sem heillar hvað mest. Utan þess tíma vinnur hún sjálfstætt sem hönnuður í ýmsum verkefnum og má segja að náttúra Íslands sé hennar stærsti innblástur. Leiðsögn hefur verið hluti af hennar verkefnum síðustu ár þar sem upplifun þátttakenda er lykillinn, að minna á sem flest skynfæri og nýta þau á ólíkan hátt meðan ferðast er um.

Signý kláraði Fjallamennskunám í Framhaldsskóla Austur - Skaftafellssýslu 2021 þar sem fróðleikurinn var alltumlykjandi. Þá verkfærakistu tekur hún með sér í vinnuna sem leiðsögukona. Signý hefur lokið AIMG jökla 1 og Fyrstu hjálp í óbyggðum ásamt ótal fleirum námskeiðum.

Uppáhalds leiksvæði:

Um þessar mundir eru það Strandir.

Ómissandi í bakpokan:

 Fyrir kaldar tjald nætur þá eru það ullarbuxurnar sem koma sterkar inn.

Skemmtileg staðreynd:

 Ef færi gefst og Díamosi er nálægt, þá er ekkert betra en að leggjast niður og drekka dropana sem liggja á mosanum.