Leiðbeiningar – rafræn skírteini

Eftir að okkur hefur borist greiðsla félagsgjalds fær félagsmaður sendan tölvupóst innan viku frá noreply@smartsolutions.is þar sem hægt er að nálgast rafrænt félagsskírteini.

Ef tölvupóstur hefur ekki borist er líklegt að uppfæra þurfi upplýsingar í félagaskrá. Sendið tölvupóst með uppfærðu netfangi á fi@fi.is eða hafið samband í síma 568-2533.

Virkjun félagsskírteinis er einföld. Hún fer þó eftir því hvernig símtæki viðkomandi er með.

iPhone

Í Apple-símum er fyrirfram uppsett veski (Apple Wallet).

Android

Í Android-símum þarf að nota Google Wallet. Ef forritið er ekki þegar uppsett í símanum þarf að sækja það í Play Store.

Ef tölvupóstur er opnaður í tölvu

• Fylgið tenglinum sem birtist í tölvupóstinum.

• Þegar það er gert birtist QR-kóði.

• Farið í viðeigandi veskisforrit (Apple Wallet eða Google Wallet) og skannið QR-kóðann.

• Í framhaldinu birtist skírteinið.

• Veljið að bæta því við (Add).

• Skírteinið er nú tilbúið og aðgengilegt í veskinu.

Ef tölvupóstur er opnaður í síma

• Fylgið tenglinum sem er í tölvupóstinum.

• Skírteinið opnast nú í veskinu.

• Veljið að bæta því við (Add).

Athugið að Android-notendur þurfa að vera með Google Wallet uppsett í símanum til þess að virkja skírteinið.

Skírteinið er nú tilbúið og aðgengilegt í veskinu.

Ef einhverjar spurningar vakna eða eitthvað gengur ekki sem skyldi, hafið samband við skrifstofu með því að senda tölvupóst á fi@fi.is eða í síma 568-2533.