Skráning í FÍ

Ferðafélag Íslands er félag áhugamanna og tekið er vel á móti öllum nýjum félögum. Sjá umsóknareyðublað hér neðst á síðunni. Ekki þarf að hafa neina sérstaka reynslu af ferðalögum til að ganga í FÍ, bara áhuga.

Árgjald Ferðafélag Íslands 2024 er 8.900 kr.

Fríðindi og afsláttarkjör FÍ félaga

    • Árbók FÍ fylgir árgjaldi
    • Afsláttur á gistingu í alls 41 skálum FÍ og deilda um allt Ísland
    • Afsláttur í allar ferðir félagsins og gönguverkefni
    • Aðgangur að ýmis konar FÍ námskeiðum, fræðslu, þjálfun og leiðsögn
    • Afsláttur af fjölda fræðslurita og ferðabóka sem FÍ gefur út
    • Afsláttur félagsmanns gildir einnig fyrir maka og börn að 18 ára aldri af vörum og þjónustu FÍ
    • Vikulegt rafrænt fréttabréf um allt sem er á döfinni hjá FÍ
    • Skemmtilegur félagsskapur fólks sem hefur yndi af ferðalögum

Afsláttur á eftirfarandi stöðum

Fjallakofinn er einn af aðalsamstarfsaðilum FÍ og veitir félagsmönnum góðan afslátt og gerir tilboð til félaga, hópa og verkefna FÍ.

Vinsamlega framvísið gildu félagsskírteini áður en greiðsla fara fram

Rafræn félagsskírteini 

Leiðbeiningar – rafræn skírteini

Eftir að okkur hefur borist greiðsla félagsgjalds fær félagsmaður sendan tölvupóst innan viku frá passi@passi.is þar sem hægt er að nálgast rafrænt félagskírteini.

Ef tölvupóstur hefur ekki borist er líklegt að uppfæra þurfi upplýsingar í félagaskrá. Sendið tölvupóst með uppfærðu netfangi á fi@fi.is eða hafið samband í síma 568-2533.

Virkjun félagsskírteinis er einföld. Hún fer þó eftir því hvernig símtæki viðkomandi er með.

Iphone

Í Apple símum er fyrirfram uppsett veski (Apple Wallet).

Android

Sækja þarf veskis-forrit í Play Store, við mælum með SmartWallet.

 -------------------------------------------------------------

Ef tölvupóstur er opnaður í tölvu:

Fylgið tenglinum sem birtist tölvupóstinum.

Þegar það er gert birtist QR kóði.

Farið í viðeigandi veskis-forrit (Apple Wallet eða SmartWallet) og skannið QR kóðann.

Í framhaldinu birtist skírteinið.

Veljið að bæta því við (Add).

Skírteinið er nú tilbúið og aðgengilegt í veskinu.

Ef tölvupóstur er opnaður í síma:

Fylgið tenglinum sem er í tölvupóstinum.

Skírteinið opnast nú í veskinu.

Veljið að bæta því við (Add).

Athugið að Android notendur þurfa að sækja veskis-forrit til þess að skírteinið teljist virkt.

Skírteinið er nú tilbúið og aðgengilegt í veskinu.

Ef einhverjar spurningar vakna eða eitthvað gengur ekki sem skyldi, hafið samband við skrifstofu með því að senda tölvupóst á fi@fi.is eða í síma 568-2533.

Fjölskylduaðild

Fjölskyldufélagi (maki/sambúðaraðili skráðs félaga í FÍ) getur valið að greiða hálft árgjald og fá félagsskírteini og njóta allra fríðinda sem það veitir.
Skráning veitir atkvæðisrétt á aðalfundi og félagsfundi. Árbók FÍ er ekki innifalin.

Árgjald fyrir Fjölskylduaðild er kr. 4450,- 

Ferðafélag Unga fólksins

Ferðafélag unga fólksins, FÍ Ung, hefur það meginmarkmið að hvetja ungt fólk á aldrinum 18-25 ára að ferðast um, kynnast Íslandi og vera úti í náttúrunni í góðum og skemmtilegum félagsskap.

Árgjald í FÍ Ung er kr. 4450,- 

Skráning

Skráning FÍ Ung    Fjölskylduaðild

  

GANGA Í FÍ
Verð: 8.900 ISK