Ferð: Snjóhúsa- og sleðaferð 

Suðvesturland

Snjóhúsa- og sleðaferð 

Ferðafélag Barnanna
Lýsing

Við leikum okkur í snjónum, byggjum snjóhús, rennum okkur á sleðumog njótum þess að vera úti í vetrarveðri. Vonandi verður nóg af snjó til að byggja snjóhús, inngrafin eða grænlensk og svo verður hægt að borða nestið í snjóhúsinu ef vel tekst til. Mikilvægt er að mæta mjög vel klædd, með skóflur og ljós, sleða eða þoturassa að ógleymdu heitu kakói og góðu nesti. 2-3 klst.

Fyrir félaga FÍ og fjölskyldur þeirra. Ekkert að panta, bara mæta! 

Brottför/Mæting
Kl. 12, þar sem snjó er að finna. Nánari staðsetning auglýst síðar á Fésbók og heimasíðu FÍ.

Búnaður

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir

Leiðarlýsing

Við hittumst kl. 12 við skrifstofu FÍ í Mörkinni 6 og keyrum í samfloti upp í Bláfjöll þar sem við leggjum bílunum á bílastæði um 500 m áður en komið er að skíðasvæðisbílastæðinu.

Fylgist með á FACEBOOK síðu Ferðafélags barnanna, ef ekki viðrar til útiveru í Bláfjöllum þennan dag. Þá verður ferðinni frestað eða fundin ný staðsetning.