Örganga - Umhverfis Helgafell í Hafnarfirði

Lýsing

Lagt af stað frá bílastæði við enda Kaldárselsvegar. Haldið í áttina að Helgafelli eftir malarbornum stíg að Undirhlíðahorni nyrðra. Þar er sveigt til suðurs og litið á nokkra gamla hraungíga í bakhlíðum Undirhlíða. Gengið að Helgafellsskúta á móts við Gvendarselshæð og fyrir vesturenda fellsins framhjá Kastala. Hugað verður að Riddara og Gatinu ofarlega í suðaustanverðu Helgafelli og kjarrinu sem hefur vaxið upp síðustu áratugina í suðausturhlíðum fellsins. Þar var eitt sinn talað um Helgafellsskóg. Síðan er haldið áfram með Kaplatór á hægri hönd að austanverðu Helgafelli og gengið um Valahnúkaskarð að stígnum sem liggur milli Helgafells og bílastæðisins. Göngutími: 3 klst.

Þátttaka er ókeypis og öll velkomin. 

Brottför/Mæting

Kl. 10:30 frá bílastæði við enda Kaldárselsvegar.

Fararstjórn

Jónatan Garðarsson.

Búnaður

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

• Góðir gönguskór og mjúkir göngusokkar
• Nærföt, ull eða flís, eftir veðri
• Peysa úr ull eða flís
• Göngubuxur / stuttbuxur

Í dagpokanum

• Bakpokahlíf / plastpoki inni í bakpokanum
• Áttaviti, landakort og GPS tæki
• Smurt nesti fyrir daginn
• Göngunasl svo sem þurrkaðir ávextir, súkkulaði og hnetur
• Vatnsbrúsi
• Hitabrúsi með kakói, tei eða kaffi
• Höfuðljós
• Göngustafir
• Myndavél og kíkir
• Sólgleraugu / skíðagleraugu
• Sólarvörn og varasalvi
• Hælsærisplástur, plástur, teygjubindi og verkjalyf
• Salernispappír, blautþurrkur og litlir plastpokar fyrir notaðan pappír
• Húfa, vettlingar og buff um hálsinn
• Vind- og vatnsþéttur hlífðarfatnaður
• Legghlífar, vaðskór og broddar, ef þurfa þykir
• Hleðslubanki