Fí Alla leið 2024

Árið 2024 er ellefta ár Alla leið. Við höldum okkur við þær ferðir sem í gegnum tíðina hafa vakið mesta lukku eða verið einstaklega minnisstæðar fyrir þátttakendur. Megin markmið verkefnisins er að undirbúa þátttakendur undir langa og krefjandi jöklagöngu að vori. Verkefnið hentar þeim sem hafa einhverja reynslu af fjallgöngum. Undirbúningurinn er í grunninn þríþættur: að byggja upp þrek og styrk með stigmagnandi hætti, að læra að ferðast, nærast og búa sig á fjöllum með öruggum hætti og að öðlast þá tækni sem þarf til að ferðast um jökla eða fjöll í vetraraðstæðum. Myndir úr verkefninu.

Gengið verður  á einn af hæstu tindum landsins, Þverártindsegg 27. apríl, Eyjafjallajökull 4. maí, Sveinstindur 9. maí, Hrútsfjallstindar 18. maí, Hvannadalshnúkur 25. maí og Birnudalstindur 15. júní.  Ef illa viðrar á uppgöngudaginn er sunnudagur eða fl. dagar til vara.

Eftir sumarfrí heldur verkefnið áfram með 14 fjallgöngum, sem skiptast í sex kvöldgöngur sem farnar eru á mánudögum og átta dagsferðir sem verða um helgar. Á dagskránni hjá þessum gönguhóp er helgarferð í Þórsmörk og þá gengið yfir Fimmvörðuháls og umhverfi Þórsmerkur skoðað. 

AÐEINS HÆGT AÐ KAUPA BÆÐI VERKEFNIN Á SÉRSTÖKU TILBOÐSVERÐI ÚT JANÚAR.

Umsjón: Hjalti Björnsson

Verð: 129.900, FÍ Alla leið vor og FÍ Alla leið haust, árgjald FÍ 2024 innifalið í verði.

Dagsskrá Fí Alla leið

* Rúta / sigling sem greiðist aukalega
** Gisting sem greiðist aukaleg
*** Jöklabúnaður nauðsynlegur
**** Í samráði við almannavarnir 

Ferðafélag Íslands áskilur sér rétt til að breyta, fresta eða endurskipuleggja dagskrá fjallaverkefna félagsins vegna sóttvarnarfyrirmæla eða annarra óviðráðanlegra aðstæðna, svo og ef ekki fæst næg þátttaka.

Afbókunarskilmálar fyrir fjalla-og hreyfiverkefni:

• Afbókun eftir að verkefni er hafið: Engin endurgreiðsla.

Tryggingar: Ferðafélag Íslands tryggir hvorki farþega sína né farangur þeirra. Farþegar ferðast með félaginu á eigin ábyrgð. Félagið hvetur fólk til að kaupa ferða- og slysatryggingar fyrir ferðir.

Birting myndefnis:
Þátttakendur í ferðum og námskeiðum FÍ samþykkja með þátttöku sinni að félaginu sé heimilt að taka myndir eða myndbönd af þátttakendum og nota í birtingu á heimasíðu, samfélagsmiðlum og prentmiðlum. Þátttakandi getur ávallt hafnað birtingu myndefnis af sér með því að senda póst á fi@fi.is.