Ferðamennska og rötun 

Lýsing

Ferðamennska og rötun 
6. - 8. febrúar, 3 dagar

Langt helgarnámskeið þar sem kennd eru grunnatriði í rötun og ferðamennsku. Á föstudag og laugardag er farið í rötun með það markmið að þátttakendur verði sjálfbjarga í notkun áttavita og korta ásamt því að öðlast grunnþekkingu í notkun GPS-tækja. Meðal annars er fjallað um kortalestur, mælikvarða, útreikning vegalengda, bauganet jarðar, áttavitastefnur og misvísun.

Þátttakendur þurfa að koma með áttavita, reglustiku, skriffæri, GPS-tæki og reiknivél. 

Á sunnudeginum er sjónum beint að ferðamennsku með það markmið að gera þátttakendur hæfari til að stunda útivist af öryggi við erfiðar aðstæður. Fjallað er um ferðahegðun, ofkælingarhættu, fatnað, ferða- og útivistarbúnað, mataræði, veðurfræði og gerð snjóhúsa og neyðarskýla.

Fararstjórn

Kemur frá Landsbjörgu

Innifalið

Kennsla og verklegar útiæfingar.

Greiðslumöguleikar

• Kreditkort / Debetkort: Greitt í einni greiðslu við bókun.
• Bankamillifærsla: Greitt í einni greiðslu.
  Þegar skráningu í ferð hefur verið lokið sendir skrifstofa FÍ greiðsluupplýsingar.
  Greiðsla með millifærslu er því ekki gerð fyrr en bókun er staðfest.
• Raðgreiðslusamningur: Lágmarks upphæð kr. 67.000.
  Hægt er að gera samning með því að hafa samband við skrifstofu FÍ.
• Netgíró: Vinsamlegast hafið samband við skrifstofu ef óskað er eftir að greiða ferð í gegnum Netgíró.

Raðgreiðslur og Netgíró fara eftir kjörum viðkomandi þjónustuaðila.
Við hvetjum ferðalanga til að kynna sér vexti og skilmála áður en samningur er gerður.