Covid-19 skála- og tjaldgisting

Ferðafélag Íslands leggur sig fram um að tryggja hreinlæti og sóttvarnir í samræmi við tilmæli frá embætti landlæknis og lágmarka þannig smithættu á kórónuveiru eins og hægt er miðað við aðstæður. Eins og fram hefur komið í máli sóttvarnarlæknis er tveggja metra reglan ekki lengur regla heldur tilmæli og valkvæð.

Ferðafélag Íslands getur ekki tryggt tvo metra á milli gesta.

Gestir eru á eigin ábyrgð í skálum og tjaldstæðum Ferðafélags Íslands.

___________

 

Skálar:

Verkferlar varðandi þrif hafa verið endurskoðaðir með tilliti til faraldursins. Auk þess mun handspritt og sótthreinsiúðar standa til boða í öllum skálum félagsins ásamt leiðbeiningum um umgengni.

Í eldhúsum skálanna má aðeins 1 úr hverjum hópi sjá um eldamennsku í einu. Sameiginlegir snertifletir skulu vera sótthreinsaðir fyrir og eftir eldamennsku og allt leirtau þrifið rækilega eftir hverja notkun með sápu og heitu vatni. Öllum afgangsmat skal henda.

Á salernum skálasvæða félagsins verða fjöldatakmarkanir, auk þess að fólk er hvatt til að sótthreinsa snertifleti eftir notkun; s.s. handföng og borð.

Ómannaðir skálar Ferðafélagsins verða þrifnir í upphafi tímabils, auk þess sem nægilegt magn af sótthreinsiúða og spritti verður komið á staðinn. Gestir eru hvattir til að þrífa skálann í upphafi dvalar og að sjálfsögðu eftir að dvöl lýkur auk þess sem gestir þurfa að taka allt sorp þegar skálinn er yfirgefinn.

Tjaldsvæði:

Tjaldvæðum Ferðafélags Íslands verða skipt upp í 200 manna hólf samkvæmt tilmælum frá embætti landlæknis, en við biðlum til fólks að halda viðeigandi fjarlægð á milli tjaldhópa.

Leiðbeinandi merkingar verða víðsvegar á skálasvæðum okkar en ef spurningar vakna skal hafa samband við skálavörð.

Á salernum skálasvæða félagsins verða fjöldatakmarkanir, auk þess að fólk er hvatt til að sótthreinsa snertifleti eftir notkun; s.s. handföng og borð.

___________

Ferðafélagið hvetur gesti til að sýna aðgát og tillitssemi í umgengni við aðra. Hugum að hreinlæti; bæði að reglulegum handþvotti ásamt því að spritta vel hendur þegar við á.

 

Frekari upplýsingar um framvindu faraldursins má finna á www.Covid.is