Ferð:  Austfjarðaveisla 

Ert þú félagsmaður í FÍ Já Nei
Austurland

 Austfjarðaveisla 

Fjallaskíðaferð
Lýsing

Hópurinn hittist á miðvikudagskvöldi á Hótel 1001 við Egilsstaði.
Daginn eftir tekur við fjallaskíðaveisla á Austfjörðum þar sem fjöllin verða valin eftir veðurspá og aðstæðum en eftirtalin fjöll eru efst á lista:

Snæfell. (1833 m). Hæsta fjall á Íslandi utan jökla og innan marka Vatnajökulsþjóðgarðs. Frábært fjall til fjallaskíðunar þegar aðstæður eru góðar og hægt að skíða nokkrar ólíkar leiðir á því.
Kistufell inn af Reyðarfirði. (1239 m). Hæsta fjall við Austfjarðaströndina sem býður upp á frábæra langa fjallaskíðabrekku.
Hólmatindur við Eskifjörð. Bæjarfjall Eskifjarðar og eitt tignarlegata fjall Austfjarða. 985 m.
Hoffell við Fáskrúðsfjörð. (1092 m). Bæjarfjall Fáskrúðsfjarðar og niður af því er næstum 1000 m há skíðabrekka.
Ferðinni lýkur á sunnudag með hálfs dags fjallaskíðaferð á Brúðardalsfjall frá Þórudal eða á Sandfell í Skriðdal.

Brottför/Mæting
Miðvikudagskvöld á Hótel 1001 nótt, við Egilsstaði.
Fararstjórn

Tómas Guðbjartsson, Salome Hallfreðsdóttir, Skúli Júlíusson og Óskar Ingólfsson.

Innifalið
Gisting, matur og fararstjórn.

Búnaður

Pakkað fyrir trússferð eða bækistöðvarferð

Í trússaðri ferð er farangur fluttur á milli náttstaða svo aðeins þarf að bera nauðsynlegan búnað fyrir einn dag í einu í léttum dagpoka. Mat, svefnpoka og tilheyrandi er pakkað ofan í trússtösku og flutt í náttstað, sem getur ýmist verið tjaldstæði eða skáli.

Þó að ekki þurfi í trússferðum að skera allan útbúnað niður eins og þegar gengið er með allt á bakinu þá er nauðsynlegt að pakka naumt. Oftast er takmarkað pláss í trússbílum og bátum og pökkun þarf að taka mið af því.

Bækistöðvaferð er svipuð trússferðum en þá er gengið með dagpoka út frá sama náttstað allan tímann, tjaldi eða skála. Í bækistöðvaferðum er farangur ekki trússaður á milli náttstaða og hægt að vera enn frjálslegri í pökkun en í trússferðunum.

Athugið að listinn hér að neðan er ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar og hvort sofið er í skála eða tjaldi. Ef gengið er á milli skála eða dvalið í skála, þá má þar oftast finna eldunaraðstöðu og matarílát auk salernis eða kamars með klósettpappír.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir

Í trússtöskunni

  • Svefnpoki og lítill koddi
  • Bolur til skiptana og til að sofa í
  • Auka nærbuxur og sokkar
  • Höfuðljós
  • Tannbursti og tannkrem
  • Sápa / sjampó
  • Lítið handklæði
  • Eyrnatappar
  • Skálaskór
  • Peningar
  • Núðlur eða pasta í pokum
  • Pulsur eða foreldaðar kjúklingabringur
  • Eitthvað gott á grillið
  • Kol og uppkveikilögur
  • Haframjöl
  • Brauð og flatkökur
  • Smjör og álegg, svo sem ostur, kæfa, hangikjöt
  • Hrökkbrauð og kex
  • Þurrkaðir ávextir, súkkulaði og hnetur
  • Kakó, te og/eða kaffi
  • Súpur
  • Krydd, t.d. salt og pipar

Ef sofið er í tjaldi þarf að auki í trússtöskuna

  • Tjald og tjalddýna
  • Prímus og eldsneyti
  • Eldspýtur
  • Pottur
  • Hitabrúsi og drykkjarbrúsi
  • Diskur og drykkjarmál
  • Hnífapör
  • Vasahnífur / skæri
  • Viðgerðasett, nál og tvinni, snæri og klemmur

Upplýsingar um gistingu.

Eingöngu er boðið upp á gistingu í tveggja manna herbergum

Gist verður á Hotel 1001 Nótt
Netfang:  kristin@1001nott.is
Sími: 853 7700
www.1001nott.is