Ferð: Skógargöngur í Heiðmörk  IV - Esjuhlíðar

Suðvesturland
Skógargöngur í Heiðmörk  IV - Esjuhlíðar
Ert þú félagsmaður í FÍ Nei
Lýsing

Ferðafélag Íslands og Skógræktarfélag Reykjavíkur standa fyrir fjórum skógargöngum í Heiðmörk þriðja fimmtudag í mánuði júní-september.  
Fararstjórar eru þau Auður Kjartansdóttir framkvæmdastjóri Skógræktarfélagsins og Páll Guðmundsson framkvæmdastjóri Ferðafélagsins. 

Fjórða og seinasta gangan er hjá Esjunni.
Esjan er afar vinsælt útivistarsvæði. Undandarin ár hefur Skógræktarfélagið byggt upp stígakerfi í Esjuhlíðum. Hópurinn hittist við Esjustofu þaðan sem er gengin fjölbreytt leið um þéttan skóg og opin svæði. 2 - 3 klst.

Þátttaka er ókeypis og allir velkomnir. 

Brottför/Mæting
Kl. 18 við Esjustofu
Fararstjórn

Auður Kjartansdóttir og Páll Guðmundsson.

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

  • Góðir gönguskór og mjúkir göngusokkar
  • Nærföt, ull eða flís, eftir veðri
  • Peysa úr ull eða flís
  • Göngubuxur / stuttbuxur

Í dagpokanum

  • Bakpokahlíf / plastpoki inni í bakpokanum
  • Áttaviti, landakort og GPS tæki
  • Smurt nesti fyrir daginn
  • Göngunasl svo sem þurrkaðir ávextir, súkkulaði og hnetur
  • Vatnsbrúsi
  • Hitabrúsi með kakói, tei eða kaffi
  • Göngustafir
  • Myndavél og kíkir
  • Sólgleraugu / skíðagleraugu
  • Sólarvörn og varasalvi
  • Hælsærisplástur, plástur, teygjubindi og verkjalyf
  • Salernispappír, blautþurrkur og litlir plastpokar fyrir notaðan pappír
  • Húfa, vettlingar og buff um hálsinn
  • Vind- og vatnsþéttur hlífðarfatnaður
  • Legghlífar, vaðskór og broddar, ef þurfa þykir