Skógargöngur í Heiðmörk II - Borgarstjóraplan

Lýsing

Ferðafélag Íslands og Skógræktarfélag Reykjavíkur standa fyrir fjórum skógargöngum í Heiðmörk þriðja fimmtudag í mánuði júní-september.
Fararstjórar eru þau Auður Kjartansdóttir framkvæmdastjóri Skógræktarfélagsins og Páll Guðmundsson framkvæmdastjóri Ferðafélagsins.

Önnur skógargangan - Borgarstjóraplan
Gengið verður frá Borgarstjóraplani um skóginn í Heiðmörk. Heiðmörk er stærsta útivistarsvæði höfuðborgarsvæðisins og eitt það vinsælasta. Í gegnum tíðina hafa ótal stígar verið lagðir um svæðið en Heiðmörk er um 3200 hektarar að stærð. Skóglendi þekur tæpan þriðjung svæðisins. Auk skógarins er þar að finna áhugaverðar jarðmyndanir, viðkvæmt votlendi og lyngmóa. Dýralíf er jafnframt afar fjölbreytt á þessum slóðum. Einnig eru mannvistarleifar frá ýmsum tímum í Heiðmörk. 2 - 3 klst

Þátttaka er ókeypis og allir velkomnir. 

Brottför/Mæting

Kl. 18 frá Borgarstjóraplani

Fararstjórn

Auður Kjartansdóttir og Páll Guðmundsson.

Búnaður

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

• Góðir gönguskór og mjúkir göngusokkar
• Nærföt, ull eða flís, eftir veðri
• Peysa úr ull eða flís
• Göngubuxur / stuttbuxur

Í dagpokanum

• Bakpokahlíf / plastpoki inni í bakpokanum
• Áttaviti, landakort og GPS tæki
• Smurt nesti fyrir daginn
• Göngunasl svo sem þurrkaðir ávextir, súkkulaði og hnetur
• Vatnsbrúsi
• Hitabrúsi með kakói, tei eða kaffi
• Göngustafir
• Myndavél og kíkir
• Sólgleraugu / skíðagleraugu
• Sólarvörn og varasalvi
• Hælsærisplástur, plástur, teygjubindi og verkjalyf
• Salernispappír, blautþurrkur og litlir plastpokar fyrir notaðan pappír
• Húfa, vettlingar og buff um hálsinn
• Vind- og vatnsþéttur hlífðarfatnaður
• Legghlífar, vaðskór og broddar, ef þurfa þykir

Fróðleikur