Fréttir

Töfrar Mosfellsheiðarleiða

Mosfellsheiði er víðlent heiðarflæmi á suðvesturhorni landsins. Má með nokkurri einföldun segja að Þingvallavegur og Suðurlandsvegur rammi heiðina inn að norðan- og sunnanverðu, hún nái að íbúðarbyggð í Mosfellsbæ að vestanverðu og langleiðina að Þingvallavatni í austri. Heiðin er innan lögsögumarka sex sveitarfélaga. Þau eru Mosfellsbær, Reykjavíkurborg, Bláskógabyggð, Grímsnes- og Grafningshreppur, Sveitarfélagið Ölfus og Kópavogsbær.

Esjan í allri sinni dýrð

Esjan er bæjarfjall Reykjavíkur og blasir við borgarbúum handan Kollafjarðar. Á undanförnum árum hefur Esjan orðið einn vinsælasti útivistarstaður borgarbúa og nú stunda tugþúsundir fjallgöngur og útivist i fjallinu á hverju ári.

Fleiri konur í jöklafararstjórn hjá FÍ

Nú nýlega luku nokkrir FÍ fararstjórar námskeiði sem heitir jöklar 1 og gefur réttindi til að leiða hópa í jöklagöngu. Það var sérstaklega ánægjulegt að þetta voru allt saman konur og bætast þær nú í hóp jöklafararstjóra félagsins.

John Snorri - kveðja frá Ferðafélagi Íslands

John Snorri Sigurjónsson fjallgöngumaður var félagi í Ferðafélagi Íslands og hafði á undanförnum árum tekið að sér fjölmörg verkefni fyrir félagið; aðallega sem fararstjóri en einnig setið í ferðanefnd og haldið kynningar og fyrirlestra á vegum félagsins. John Snorri var umsjónarmaður FÍ Ung – Ferðafélags unga fólksins og leiddi þar ferðir félagsins. Einnig tók John Snorri þátt í starfi Ferðafélags barnanna og var fararstjóri í Laugavegsferðum með FB en var auk þess fararstjóri í ferðum FÍ , t.d. á Hvannadalshnúk og Heklu.

12 góðar gönguleiðir

Víða um land má finna góðar gönguleiðir. Fjölmörg sveitarfélög hafa unnið frábært starf í uppbyggingu göngu- og útivistarsvæða og stikað og merkt gönguleiðir í sinni byggð. Eins hafa ferðafélög og einkaaðilar lagt sitt af mörkum og komið að uppbyggingu útivistarsvæða. Rannsóknir sýna að vel skipulögð og aðgengileg útivistarsvæði eru mikilvægur hluti af lífsgæðum íbúa. Ferðafélag Íslands og Valtitor hafa lengi átt samstarf og staðið fyrir uppsetningu á gönguleiðaskiltum á fjölförnum gönguleiðum bæði í byggð og óbyggðum. Það þarf þó ekki alltaf að leita langt yfir skammt og bestu gönguferðirnar eru oft heiman frá og í nærumhverfinu. Þegar ferðast er um landið má finna góðar gönguleiðir þar sem upphafsstaður er aðgengilegur í byggð eða við þéttbýli.

Skálaverðir mættir í Landmannalaugar

Skálaverðir Ferðafélags Íslands eru mættir í Landmannalaugar og verða fram yfir páska. Vegna Covid gilda strangar relgur um fjölda gesta í skálanum, skiptingu í gistirými, notkun á eldhúsi og salerni. Bóka þarf í skálann fyrirfram á skrifstofu FÍ.

Ferðafélag Íslands bætir við ferðum með Ferðafélagi barnanna næsta sumar

Vegna mikillar eftirspurnar hefur Ferðafélag Íslands nú bætt við fleiri ferðum með Ferðafélagi barnanna sem er hluti af starfi FÍ. Bætt er við aukaferðum um Laugaveginn og einni ferð í Norðurfjörð þar sem gist verður að Valgeirsstöðum

Ferðafélag Íslands og Fjallakofinn í samstarfi

Ferðafélag Íslands og Fjallakofinn hafa gert með sér nýjan samning til þriggja ára. Páll Guðmundsson framkvæmdastjóri FÍ og Halldór Hreinsson framkvæmdastjóri Fjallakofans skrifuðu undir samninginn í Fjallakofanum í dag. ,,Þetta er verðmætur samningur fyrir báða aðila. Við viljum veita félögum í FÍ, fararstjórum og öllum þátttakendum í hinum fjölmörgu verkefnum Ferðafélagsins besta útivistarbúnað sem völ er á og um leið á góðum kjörum. Þetta hefur verið ánægjulegt samstarf sl. átta ár, " sagði Halldór Hreinsson við undirskrift samningsins.

Auka fjallaskíðanámskeið vegna mikillar eftirspurnar

Ferðafélag Íslands hefur sett upp nýtt fjallaskíðanámskeið vegna mikillar eftirspurnar. Um er að ræða byrjendanámskeið í fjallaskíðamennsku sem skiptist í fyrirlestur og verklega kennslu.

Nýjar ferðir, verkefni og fleiri námskeið

Vegna mikillar eftirspurnar þá erum við að bæta við nýjum ferðum og verkefnum. Meðal annars leiðangri yfir Vatnajökul með Vilborgu Örnu pólfara, ókeypis fræðslunámskeiði fyrir félagsmenn FÍ um notkun brodda og ísaxar, kynningarnámskeiði um ferðaskíðamennsku og styttri ferðir á ferðagönguskíðum ( utanbrautarskíðum ) Einnig verða nýjar sumarleyfisferðir kynntar á næstunni en fullbókað er í fjölmargar ferðir sumarsins.