Fimmvörðuháls / Baldvinsskáli

Smellið á bláa hnappinn hér uppi til hægri til að bóka skálagistingu.

Athugið:

AÐSTAÐA

Baldvinsskáli á Fimmvörðuhálsi er A laga sæluhús. Gengið er inn í anddyri og þaðan inn í lítinn matsal/eldhús. Í eldhúsinu er rennandi vatn, gashellur og eldhúsáhöld. Á efri hæð hússins er svefnloft þar sem 16 manns geta sofið. Einfaldur kamar stendur skammt frá skálanum.

Gönguleiðin yfir Fimmvörðuháls er ein vinsælasta gönguleið landsins en veðrið á hálsinum er oft óútreiknanlegt og ótryggt og nauðsynlegt að hafa í einhver hús að leita á leiðinni. Fyrsta sæluhúsið var reist á þessum stað árið 1974 og var húsinu valin staðsetning miðað við reynslu gangna- og leitarmanna á því hvar mesta þörfin væri á skjólshúsi.

OPNUN OG AÐGENGI

Skálinn er opinn og mannaður með skálaverði yfir sumartímann og ætlaður gangandi fólki. 

Opnun skálans fer eftir snjóalögum og ástandi gönguleiðar. Í meðalári má ganga út frá því að opið sé í Baldvinsskála frá 20. júní til 15. september.

Yfir vetrartímann en hægt er að leigja skálann með því að senda fyrirspurn á skrifstofu FÍ. Athugið að það er aðeins á færi reynslumikils ferðafólks að ferðast um þessar slóðir að vetri til og ef ætlunin er að ganga þá þarf til þess 5 árstíða útbúnað.