Kórónur Krepputungu

Lýsing

Í Krepputungu leynast margir gullmolar, sem sjaldan er gaumur gefinn.
Í gönguferð í Sönghofsdal og að Gljúfrasmið er haldið á vit tveggja slíkra sem eru tvö helstu djásnin í kórónu Krepputungu. Sönghofsdalur er gullfalleg vin í eyðimörkinni, þar sem tónlist náttúrunnar ómar við réttar aðstæður.

Gljúfrasmiður þarf hins vegar engar réttar aðstæður; þar glymur beljandi Jökulsá á Fjöllum án afláts og státar af því hvernig hún hefur smíðað gljúfrin um aldir. Gengið er að fossinum að austanverðu, sem gefur sjaldséð sjónarhorn á tilkomumikið stuðlaberg, gljúfur og sjálfa drottninguna, Herðubreið.
Gangan kórónar heimsóknina í Krepputungu, en ekki er útilokað að lagið verði tekið og hljómburður kannaður. 

Brottför/Mæting

Brottför: kl. 11 á einkabílum á bílastæðinu við brúna yfir Kreppu.

Fararstjórn

Eggert Benedikt Guðmundsson

Innifalið

Fararstjórn

Búnaður

Pakkað fyrir dagsferð

Dagsferðir eru mismunandi og geta tekið frá örfáum klukkustundum upp í hálfan sólarhring.  Listinn hér að neðan er því ekki tæmandi, heldur aðeins til viðmiðunar. Endanlegur búnaður fer eftir persónulegum þörfum, lengd ferðar, veðri og árstíma.

Göngufatnaður

• Góðir gönguskór og mjúkir göngusokkar
• Nærföt, ull eða flís, eftir veðri
• Peysa úr ull eða flís
• Göngubuxur / stuttbuxur

Í dagpokanum

• Bakpokahlíf / plastpoki inni í bakpokanum
• Áttaviti, landakort og GPS tæki
• Smurt nesti fyrir daginn
• Göngunasl svo sem þurrkaðir ávextir, súkkulaði og hnetur
• Vatnsbrúsi
• Hitabrúsi með kakói, tei eða kaffi
• Höfuðljós
• Göngustafir
• Myndavél og kíkir
• Sólgleraugu / skíðagleraugu
• Sólarvörn og varasalvi
• Hælsærisplástur, plástur, teygjubindi og verkjalyf
• Salernispappír, blautþurrkur og litlir plastpokar fyrir notaðan pappír
• Húfa, vettlingar og buff um hálsinn
• Vind- og vatnsþéttur hlífðarfatnaður
• Legghlífar, vaðskór og broddar, ef þurfa þykir
• Hleðslubanki